محمـد خـبزي .. امجـاهــد نالخـير

محمد خبزي بن عيسى تقضع تنفوتس اسن الاثنين ٢٠ ماي ٢٠١٣ سالعمر ٨٦ نسقسان اموني تدارت نتزمارت نعين نعجة تمنغغت دفر اقن وزمار اطفت دسقسان .
محمد خبزي ستروى نوغرم نلقرارةئئايولولد اغرم نبسكرة اسقس ١٩٢٧ مان ادتشران الوالدنس اسقضع العمرس اخدام نالخير سالشهادة نمدان نلقرارة دبسكرة دقاع تمو ادتشر دسنت.
اتشرد اماس نقت تواشوات تامن سوحرر ندزير دسوفغ نالاستعمار سوغيل دفر اسقسان
نالظلم دالحقرة ارقبان اجزائريان المدة ١٣٢ نسقسان.
اماشي ينعر الثورةئئاجاهد سقاع انغرس دالجهد يتوغ دقن سالاعضاء نالخلية نترنايت تغناوت ندزير اغرم نبسكرة اتوسرس دسلواي نالبلدية نيسكرة اسقس ١٩٦٢ اس نوسبدي نتفاوت يد فرنسا اسن ١٩ مارس. اماشي اتوسرس دسلواي نالدائرة نالولاية نتغردايت دم اسقس ١٩٦٢ بعد اتوفران دقن سالاعضاء نوسقم نالتاسيسي ندزير دفر تمنوننت.
اتسرس دنغلاف نتجارة اسقس ١٩٦٢ المدة نسن اسقسان يعني ال اسقس ١٩٦٣ .
بعد ادج انشانس السياسة اتفرغ محمد خبزي ارجاز نالقانون دالمحاسبة غال وعزام دوبراس امدون نالاقتصاد ددرمان الشريعة اسقس ١٩٦٥ اسبدل انداهس يقضع غال اوسنثمر نويتلس
احرش نتكرزت اغرم نلقرارة الان دمزوار انجم باش ادر تموار توقاغين نتري تموار تداليين سوعافر دمعاون نتوات اوضان امارو دفر ٤٠ نسقسان غال تضفوين توحديين مان محمد يقضع اجد تصراد نالخير مان نللوف نتواشولين الان نتدار سون ادج تموار دالهوش اغرن نلقرارة الان تكف امانس احرش نتكرزت