ثتوخر البلديث نالمعذر ذي الولايث انباثنت سي 61 نالبلدياث بلي نتاث اقحلان واقصفان ذي الولايث كامل خاطر المير انس سي عبد الكريم بن عمار ابد فلاي مليح ويتكار زيك نتصبيح ويزلق فلارواد انس ويتقل اموكان اقلا صفان ويا اقلا ورعان خوصن والشياي يلا والبلديث غرس 8 نخدامن برك بصح لعوام اقلا اخذمين ذالمير ونهني 20 سنة يسعلم امعذرين مامك اذحبن البلديث انس واذحافظن فالنظافث انس بلا مهسنيني.
وثغاوس اقلا ثحلا ذي المعذر نتا المير انس اقلا ديما يتق الحملاث نالنظافة ذي قبريذن انيغ ذي ثمدرسيون خاطر يقرانغ بلي البيى والحفاظ فلاس يبتو ذس دريث واقداشن امزيانن اقلا هذقعمرن ونهنين تحبان النظافث ذ البيئة.
سي عبد الكريم بن عمار ينا إلجرنال نـ،الشعب» بلي نت اخدم سقول انس ويفرط لباس ذي العايلت انس فلجال المعذر وورعان اخدم بغير اتهنا تانوراث امين اتتهنان يوذان اوكل اقلا ولان حكان فالمعذر غير الخير وتحبان اذروحن غرس واذقيم قلي ذي لجنناث انس اذسراحثن سي انزقام نالدنيث، اقلا ثحقق لباس نالإنجازاث ذي التنمية الإجتماعية نيغ الإقتصادية وحتى السياحية خاطر ثتمل اتق 18 هكتار منطقة توسع سياحي ذي لوتالاث والحدايق واموكان نحوس ورعان المير يترجا برك اذكمل البيرو نالدراساث بشام اذطلب سي الوالي انباثنت اقلا يتحتراميث مليح ومليح وديما يقرانغ بلي ايبد اذي الولايث كامل اخدميت قدقد.
المعذر ذالبلديث ثحلا مليح ولماليث انس ذالمكرمين وتحبان لباس انجيو وتقومن ايس خاطر نهنين تاروا نالفاميلت وسي لان ثربان ذي الخير اذلهنا والبلديث انسن معروفة وطنيا سالتاريخ انس اقلا ورعان يشهذ فرقازن ذالخلاث اقلا عقبن فلمعذر.
