تفرنت لعوايل انلوراس امقران سككسوم نالعيذ لباس نتقديت اقسان نالمشتا اديقورن خاطر تحوادن لخليع انس وتقنت ايس العيش ، ولانت لعوايل نلوراس مقرانيخس اذاثنت أنيغ اذخنشلة حتى أم البواقي أذقالمة غرلوماكل أنزيك سيرتو أوزسناي مالنمي إقسمت الحال لباس، سيرتو ذي إمكان نذورار أم أريس مروانة تكوت، أولاد سي سليمان القصبات... اولانت لباس انعوايل أقلا ولانت غالعيش سالقديد إيذ نتبروشت ثزواروزث ستكباوزث إيذ نشخشوخ، لوماكلاي ثقار فلاسنت الحاجة يمينة بلي نهنتين أدتعان الروح ذي لعباذ سيرتو ذأقسميت أرنينت أداونت إمريضن سالهوى ذأسميظ خاطر اتوتشاينت سمدنت.
وثقارنت احاجة يمينة بلي العيش سقديد أق يتوفار ي العيذ مران اتاي ذالوث أن بشام أتسرقثيد لا أنوخام واتطخ إيس العيش سفاسن أنمس واتي إزد أقلي ماشي اموا نالسوق يتموقا سلماشن وأذقيم أمن ذالعجنة، وأذطواطبخ سالخض تاجدت يذ نالفماس ذالفلفل ذقي انلحروراث لعذ أمن يحما لا مها اذيسوا فلاس امان ودصبح يرثاح.
لعوايل نلوراس أمقرانت زيك ألانت شرطنت فتهيويث أقلا أتاوين أتاسليث لازم أتيلي ثسن لباس أتق العيش ذ أبربوش ذ أشخشوخ خاطر لوماكلاي أقلاى اتقاسن إيس ثاغس انتهيويث ، بصح إميرا كلشي إولا يتنزو ، أو حتى ثسلاثين نميلرا وزلانت أذتحانتش أذقنت وماكلاي سيتو ذي امشتا أمين إغنتقار لمياء سي الجامعة أنباثنت، ثتعوذانغد بلي ثسن أتطخ ملح بصح مادام كلشي يتنوز ماغف اتستعب إيمالننس سيرتو أرازنس ذتحاش يتحا واكل نميرا.
الراي انلمياء ماوش موا فاطيمة ألا ثنانغ بلي لازم انحافظ لاباس فالتاليد انغ وانمتاث ثتاف ذ امشتا اس نالفر با اتعلم وماك نزك سيتو ماني إن او لي لماكت انزك تاصحيث و ثحلا لباس مايش أمت نميرا.
