الحاج ابراهيم رمضان دقن سمجاهدان نغزر انوغلان ايلولد اغرم نتغردايت اسقس 1918 ختن ايوض سز نسقسان اويت باباس غال غليزان مان يبدى اعزامس انجم اديوي تضفوين توحديين دفر ومني يقضع غال المعهد انلقرارة يرني اعزامس العلوم نالدين دالشرعيات بعد ايعزم اغربازان نتومان دسقسان.
اسقس 1939 بعد ادفغ سالمعهد انلقرارة يوتف دسلماد اغرباز نالاصلاح تغردايت ينده يغلب يد تدشلا نالاصلاح بعد ايومن سالمبادئس اعنان اسقم نالحالة ادونشار نالعلم جار مدان دحارب نالبدع دبسون الان هلكان تمدورت انمدان.
اماشي ابد اودم نتومان اموني سوحسس انمدان سالخطورة نالاستعمارادوس يدجور ادسان الان اتاوي لهلاك ايدزير اديمالس. اتوطف الحبس مناوت تتشال قبل اتشور نتقراولة اسقس 1954.
اسقس 1954 دفر اددول سالحيج غال وغلان يوتف القاهرة يملاقة يد مناو امقرانان ددموان ندزير امساول ادسان فالحالة ندزير دالاستعمار دبردان الاقان اورى ندزير سوفوس نتومان.
اسقس 1954 ابد يد تقراولة ددموناس اعان امجاهدان سون انجم اسبل تمدورتس اتمورتو اطف المسؤولية نوسقمو نالبلدية نتغردايت الان تابع غال ترنايت نتقراولة الولاية فيد سز يرزم تدارتس تم نبوشمجان الغابة تغردايت ادوخدام دونسق جار امجاهدان ادوجرو نسمورا دالتاولات ايالفائدة نمجاهدان الان اورران.
يور نفيفري 1957 اتوطف يد مناو امجاهدان المدة انسز ايارن بعد اتوسرح اعاود اتوطف الحبس اسقس 1960 ال ادتوسرح اسقس 1962.
الحاج ابراهيم رمضان اسقضع وسان ايوعرن تمدورتس قاع امني يرني انداه ادوخدام يد ادموان انتقراولة مان اطف المسؤوليات تزعلاك دفر تمنوننت ندزير دالمحافظ نرجازن انلمان تغردايت دمقران نالبلدية نتغردايت دالنائب اسقم نالبرلمان غرس فوس دخ اعاون نمرشدان انالمعهد نامي سعيد يخدم يد الحاج داود حواش ال اتيوي يوش امقران دالامانة غرس اسن 07 جويلية 2002
