اجديد انومان دقت الوسيلة زذغ مناو مدان نوغلان الان اسخدامنت تمدورتنسان اوصصماد انومان بالخصوص انفذو اتيش اقت النكهة ايتزعم اومان.
الاصلس نوجديد اتوخدام سوجليم نتغات اموني دفر ماادتوصافا ادتوسيراد دوحدي امبعد استودج قطران اماسس ادقم اقت المدة ال دقار دوحدي.
القطران دقت المادة اتناق الجراثيم اترى الحمان جاج نوجديد امان اتقمان دوحديان اوسوى امناو وسان بلا ما ادفسدان.
بكري قبل اتاف نترستي مدان توغان استعملان اجديد اومان ادوخلاض نوغي ادوخدام نوودي املال بعد امخاضس دوحدي امناوت سوايع توني دقت العادو زذغ مدان نمناوت تمو الان اطفان دس .
اجديد دتباطانت اوشاري انومان غرس اقت الفايدة ايتزعم اتزمارت نبنادم امار اتوغان مدان انبكري اولسينان بات دطانان اتاسان سوماس اصمادان انماروا اناف اطانان كثرن فنجال نوسخدم نالتاولات نالتكنولوجيا اهلكنت بنادم بات اولسين اوسخدماس.
اغلان اتوغ دس مناو نالحرفيين خدمان تباطنين دجددان امبصح اماروا اولدقمان اسسن غير اقن انغ سن مع القلت نوسغ نمدان التاولات نبكري يج الحرفيين اتبدان سوخدام قضعان غال الحرف تضضنتين .
اسقسن امدجورا ابدان ادوموان نتزق نالحرفات نوفوس اشجع نمدان بالخصوص تسدنان اودوال غال اوسخدم نوجديد مع اشجع ندباب نالحرفات ادوال غال وخدام نبسون الان دقن اتاف التراث انوغلان ددزير.
