ترقب الولاية نتغردايت اسقسن امدجورا ارني نومضان ندباب اترابان اتغات دفر لغلاء ادورني نالتاولات نتمدورت انوغي بالخصوص تواشولين تزعلاك الانت اولنجمنت فالحالة مان غللب انمدان دولان غال اورب نتغات مع اشجع ندباب نالكابنات اخدمنت لحليب اوطوف نلحليب نتغات اسمدان.
تدشلا نورب نتغات انوغلان الان فتبجناس بزين عمر ادمناو لمكاريس ااومنان سالثروة الان دس الفايدة ايتزعلك مع احافظ فالسلالة نتغات انوغلان.تدشلايو تلا اتعافر اورى نتغات انوغلان بعد اتبدى اتمضى اتقضع مع الوقت .اماشي ادون مناوت السلالات اسوزغار اوسزعم الصيل نتغات اغلانا تجربة تود تضفوين توحديين فنجال نوعافر انمدنو.
ستمو الان اترقب اقن وجمو ايزعلك احرش نتكرزت دورب نالهوش اغرم نلقرارة سالفض نرجازن نجمان ادكفان الولاية نتغردايت سالمادة نوغي امار مناوت تمو تدرنت لخصاص دتمشراس اش تتشلت .
غلب نلمكاريس دمازنان اوتفان احرش نتكرزت دورب نتغات دتفوناست ادوخدام نتمورت نجمان ادنجحن اوند تضفوين اوتوغان اسودجومان اضوضان اتلي لقرارة اتيشان اسس المثا ل تمورت ندزير.
امضان نتغاتين اغلان اوض 86 الف نتبجنى فلحساب نالاحصائيات نتغوسوين نتكرزت نالولاية نتغردايت بعد ايتوغ تغات اتورب غير مناوت تدار اطفان دس
امقرانان اغرسان الثقافة نالوجد نتغات تدارت دتزدايت الغابة سن ابسون دالساس نتمدورت اغلان.
