لعوايل انلوراس امقران بذونت اتروحانت لبحر قبل ثوليث نقداشن ثمدرسوين

راجنت لعوايل انباثنت اذلوراس امقران أقاني إقكمل رمضان ذ العيذ امزيان أوبذون أتراقن برا انباثنت بشام أذحوسن قلي واذصيفن سيرتو ذالبحر نالولاياث غدقربن باثنت ام بجاية ، جيجل ، سكيكدة، خاطر ألدخول المدرسي ذاولي نقداشن غنلقرايث إقربد اولازم اذسحوسن ادريث انس.
اننتانغ لباس انلعوايل انلقاهنت  بلي نهنتين وجذنت غماننس قبل العيذ امزيان اولانت اتراجنت برك أذسعقبنت المنسبياي خاطر غرسنت لباس ماني إجملنت إصوردان نبحر، أوزيك ألانت لعوايل اذتروحانتش طول لبحر خاطر ألنت اتصيافنت ذي الدوار إذنلعايلت ثمقارنت ماني غتمجمالن اوماث توماثين ذثداه نامغار امقران ، بصح ذلعوماي إنقورا ماني إقعمرن ادريث أنسنت اولان غرسن ثغاوسوين نتالكنلوجيا ولان اترحان لبحر خاطر اتاويند أسقاس كامل نهنين جمل الصوارد نالرحلاي .
إمسعاذ يقلا غرسن إسعيفن انسن انيغ لفاميلت ثتيلي ذالولايث انلبحر أهنتافذ أثهنان سالمشكل نننساي خاطر ديما اتنوسن غرسن،بصح يقلا أوغرسن حتى أذحد ديما كران أوتاوين إذسن كلشي سياي امطابونا ، لبسطاث، أدرواث، حتى القضيان ألحق نوسان إمزورا اتاوزيث سبانت، أولانت ألعيلاث لباس أتكلنت فالمدرياث أقلا خدمن غرسن ، خاطر كل صيف اتقناسن المخيماث أترحان إذنسعيفن انلخذمت، ماني إتافن الفرصثاي ثحلا لباس بشام أذمزرنت لعوايل نخدامن نيييشت نالقطاع ام الصحة انيغ التربية.