دودو باعيسى اقن سمقرانان نالتجار انوغلان ايلولد اسقس 1908 اتشرد اغرم نات بنور يد باباس ايتوغ دقن سكرزان انوغلان مع وخدام نتوزى .
باعيسى بن داود قبل اتاف اعزام يتوغ اتعاون باباس احرش نالبنيان ادوخدام نتمورت اغلان ال دمات بابس اسقس 1922 العمرس 14 نسقسان .
بعد تماتانت انباباس اقيمد يد 11 نات يتماس يبدى اتشلا فماناس اموني اسوخدام دوعافر ضدجيض ادقساس. بعد مناو اسقسان لاحق ماماس غال يوش امقران اموني ابدى نالخمسيات.
دفر مناو ايارن اغرب اسافر غال التل اوخدام ادوجرو ندرمان يقضع غال دزيرتمنغغت يخدم دالصانع مناوت تحونا انتوات . بعد ومن يبدى اتشلى فمانس يوتف ازنزي ادوسغى نالفحم الان دقت السلعة دس اريال دالفايدة . دفر مناو اسقسان انجم باش ادرزم اقت تحنوت وحدس اوزنزي نالفحم اساغيت سالتجار امقرنان نسبانيول اموني سمرواصان ال دبد فدارناس ادولد ادلمعلم نمانس.
دفر مناو اسقسن افرج غفس يوش امقران يرزم اقن تحنوت ايتزعلك نالتاولات انيش تزكرى انبلكور اتمول قاع الادارات دالكابنيات نالدولة .
اسقس نالثمانينات تضرى اقت تواغيت الشركتس اتشو انتفاوت يخسر قاع ان يكسب ديتلي امصبح قاع امن اطف دربي دقن ورجاز اولاس دزعلوك.
اسن الاثنين 25 جوان 2007 اويت يوش امقران دالامانة العمرس 100 نسقسان .للوف انمدان حضران تنضلتاس اوسيند سايولو تمو ندزير قاع مدان رحمنت سالخير اموني سوعاون انمدان يرزم يغلب نتحونا امكراس انجمان باش ادنجحان تمدورتنسان.
