إعدا آفسوث غرس يومين ذي الجزاير كامل ورعان لباس انلعوايل أقل تحفاظنت فتقاليد اقلا اتموقانت ذي المنسبثاي، و ثغاوس يحلان ذي لوراس امقرانن بذونت أوجذ بشام أذزاهنت سثافسوث خاطر يتلي ذيس الجو يحلى او يتموكيس أسميط نالمشتى.
وبشام أذحتافلنت اتقنت لعوايل أنلوراس أمقران ذيما ألماكلت ثحلى لباس أثشتاهر ذي الجزاير كاملن نتاث أذلبراج، أقلى يتموقا سغروم ذالغرس ويتراقد يحلى لباس، وثنانغ الحاجة سعيدة أقتيلين ذي بوزوران ونوفيت ثساغ الغرس سي السوق ذي باثنت بلي نتاث اثوالف أمالجدود أنس بلي كل مادعدا الربيع لازم أثنلاقا ستغاوس ثحلى أوثيزيت، وثغاوسياي نتاث أذلبراج انيغ الرفيس تونسي، ويتموقا لبراج امغروم بصح يتيلي أزذ لباس خاطر لازم اتقذ سنت انتعنونين زدنت واتقذ جارثسنت أرخساس نالغرس بعد ما أتصفيذ مليح واتريح، ومبعد أتغطيث الغرس ذيس سترخساسين نغروم واتقذ ذي الطابونة أينو امغروم نالرخساس قدقد، وبغير أذينو واتعوس مليح بشام أذتحريقش أتكستيد واتدجذ اذيبرذ قلي اومبعد اتبيذ ذالمثلثاث، امسوان، واتسرسذ إلعايلت اتتش سالقهوى انيغ سوغي.
وبشام ادبان الفرح مليخ اتمسرافنت لعوايل انلوراس جراثسنت لبراج ذي لسحنان أمققارن مرحبا سثافسوث ادعدان غرنغ ولانت لعوايل ثيط اتقنت الرفيس تونسي ماني غتخلاظنت أرن إيذ نالغرس أوبعد وأثقنت تدويرين وأثسونت وأثتشنت إنيذ نوغي أسمام.
ثغاوسويناي كامل اتقنهنت لعوايل انلوراس امقران ام باثنت، خنشلة، ام البواقي، قالمة، كل أسقا سماني إدتعدا الربيع خاطر زهانت إيس مليح، وأقيمن العداثاي أمين إغنتنا الحاجة سعيدة إقميرا ولازم انحافظ فلاسنت خاطر تياي ذالعاداث أنغ والتقاليد.
وثغاوس ثيشت اقلا ثتيلي ذي الولاياث انلوراس امقران ذي العطلث نآفسوث نتا اروحي غنلحمماث نالصالحين اقلا ألان ذي الجزاير كامل امبسكرة، اذقالمة، خنشلة خاطر اقارنت بلي الحمام نيور انمارس يحلا مليح ويتكس لهوا.
