تــوات ادوحــرش نالصحافـة ادزيــر

توات توغان دمزوار ابدان انداه احرش نالصحافة دزير مان يغلب ننلمادان اوتفان احرشو اموني استرى دوسوفغ نالجرائد دمناوت تمو ادزير ادوزغار .

دقن مدان اومنان اسوعزام دترى اسنان بل الصحافة غرس اقن لثار ايزعم تمدورت انمدان بالخصوص امار نالاستعمار ايتوغ يرجل كل بيلا اشرى غرس العلاقة مع الدين انغ الشخصية نمسلمان.
الجريدة تمزوارت ادسلفان اسوفغتد محمد بن بكير سسم الصديق جار 1920د  1922ايخدم  اجار 54 نالاعداد .
اسقس 1921 سمس انتوات اسغين اقت المطبعة ايتزعلك اوطباع نمناوت  الجرائد سست الجريدة نالاقدام . اما الجريدة نالمنهاج توغ تفغد القاهرة يحبى غفس الشيخ ابو اسحاق اطفيش اسقس 1925 اما الشيخ ابو اليقظان ستمس اسوفغد المدة 12 نسقسان تام نالجرائد اسسنت الجريدة انواد مزاب
المغرب النبراس الامة. اما الجريدة نالحياة تبدى افوغ اسقس 1933 يتوغ يجبى غفس مفدي زكرياء.بعدس يقضع غال وخدام جريدة الشعب.
سدباب اتوغان تارين الجرائد اناف رمضان حمود ابو اليقظان ابراهيم محمد بن ابراهيم الطرابلسي عبد الرحمن بن عمر بكلي امناو اضضنين فلحساب نوسلماد الحاج سعيد لكتابس اومزروي  نات اغرسان.
امزروي انغ التاريخ اسشن اطوف دتغسي انتوات دات اغرسان اتمورتنسان
اضحان غفس يغلب امار الان دبسي امضاننسان تمورت ندزير امبصح دسن اقت تنمرت ايتزعلك.