شرى امزوار الان اتميز اغلان دين اسامورا نمدان الان زذغ ات اغرسان اطفان دسن غال اماروا دسات الموضات اتاسنتد سوزغار الانت تريبنت الاصول دلعوايد نمدان.
اسامورا نات اغرسان اسامورا نمسلمان دين اسراويل ايرزم اماشي تقار الشريعة اولكشف الدين الان اتحرم اكشاف نالاعضاء اورجاز انغ اتمطوت .اناف دخ تعرقيت انغ تشاشيت تملالت الان غرس اقن الدرو ايزعلك امصي نالعرق تارى الحمان دتفويت فتبجنى بالخصوص انفذوا انغ الصيف.
يلا وس دخ اتقان الشاش املال اغرس دغنت اقن الدور ايزعلك ارى نالحمان دتفويت نونفذو اترى دخ صماد امار نتجرست.
اوقون نات اغرسان قاع اسامورا كيف كيف باش اولتيلي الفرق جار اقليل دومركانتي انغ وس غرس دوس لاشغرس قاع سسراولين دتشابرين تملالين اتناف لعراس لمقبار اغولاد دقاع اموشان اجرون دس مدان اسشن دخ تدشلا جار مدان اماشي اتوصى اسر نيوش امقران محمد تزاليت دسلام غفس .
اوقون نمدان قاع اسامورا دقن اسشن الاصالة دوطوف نات اغرسان دالدين دالشريعة اتوصى دم فودتشل دالقلت نالبذخ دولاي حد فحد اماشي يلا الحال اموشان اضضنين مع اثبات دسات اسامورا نالموضة اتاسد سوزغار .
اناف الاسلام اتوطبق دكل انشان اغلان سالبنيان اماش نتدارت اعزام اخدام اغلاد لاش اقنشرى اتخلاف الشرع دون ادوسين الدين.
اماشي اناف دن اقت العادة ايتبهى دين اخصص نسامورا اتزاليت وحدنسان انن نوخدام دوغلاد وحدنسان امغر لبنادم يلا يقضع ادقابل يوش امقران ادقضع دوظهيردونظيف امار ايلا حد وضضن اقضع غال تدارت نيوش امقران سسامورا دخنيران دنجاست .
اسر نيوش امقران اوصى فوقون نسامورا املالن داللون نالجنة ايغس يوش امقران مان اناف توات دقاع المناسبات بالخصوص لعياد قاع مدان تقنان املال اماس نقن المنظر لاش اسس يغلب اموشان اضضنين.
ادقم الان مناو الوشول تساتحان ادقنان اسمورا ننتدت اسامورا نات اغرسان الانت انتنين دالاصل اغسان انغ اولغسان.
