العادة نوجد انغ اسكرم نالعولة اماس نتدار دقت العادة تلا سبكري مان يغلب نمدان بالخصوص امقرانان زدغ الان اطفان دالعادة نوسكرمنتيني دمندي ديردان دايولوا ابسون اسحقان مدان بالخصوص تجرست الان دالفصل اتمونكوز دس اغمايان دالخضرة دالعكس نونفذوا.
لفصالت نتدار اغلان اشرى امزار اخممان دس دين ابنى نقت تزق اماس نتدارت اقارناس تزق نالعولة .ماما نتدارت تقرى لحساب تدج زمان باش لمعاش اولتمكوز ستدارت امغر لكنغ نسان بل بكري يغلب نرجازن تسافارن غال التل اوخدام مان تموطوت تقم وحدس تدر سون الان اماس نتزق نالعولة.
تدارت الان لاش دس تين مدنس الوزان . وني دقن ووال غرس ازال ايزعلك امغر تين انتها دالساس نتمدورت اغلان خدمان سس يغلب نبسون دلمعاش نتدارت نوسقس . دقن لمعاش الان دس الفايدة اتزمارت .
بعد انكاض نتين يور ناكتوبر ازجناس اقضع غال تخابيت دبوجا اتوخدمان جاج نتدارت توخدمان اوسكرم نتين نالعولة تشمران لقناطر نتيني الان تقم دسقسان بلا ما اتفسد انغ اسضرى شرى.
العولة نتين تسمنع يغلب نمدان اغلان امار نترمزي دالقلت نلمان دامار نوصدام نالعدو بكري فغرمان مناو تتشال اغلان . غال اماروا زذغ الان نفعان اماشي يلا اضرى اماروا تالوفت نالقلت نلمان ايرقب اغلان سوبدى 2014 مان يقم الحال يرجل دوسان كل شي يصلح دس مان مدان انفعناسن غير العولة دبوجى اوطوف نمناو وسان سجك ادرس الحال.
سبسون دخ الان غفلان غفس مدان دين اربى نتغات فنجال نوغس الان غرس ازال يف اغي نتفونست تام نتتشال. اغي نتغات دخ اتاتف العولة نتدارت مان تمطوت اولتقضع تنض اغولاد انغ لسواق مع ارجازن تسوجوم استصح اقت تشكارت الان ازجناس دالغبرة دومان.
تغردايت:الشيخ باعلي واعمر
تـزق نالعولة
شوهد:1534 مرة
