الشيخ عيسى حمو بن الحاج اسماعيل النورياقن سمجاهدان نتمورت ندزير

ني دقن سرجازن اسبل امانس ايدزير امار نتقراولة اماشي يلا الحال يد للوف نتوات ايجوران يد الثورة جار 1954-1962 الشيخ عيسى حمو بن الحاج اسماعيل النوري ايلولد اغرم نات بنور اسقس 1913 دقن سلمكاريس  امقرانان نغزر نلمزاب اتشرد اغلان يعزم اغربازن نتمنغغت دغربازن نوغرم نات بنور.
يوتف تدشلا نالعلماء المسلمين  ستبدى اخدامس اسقس 1931 . سمزوار ادسلف تدشلا نالنوراسقس 1945 اتوسرس دسلواي نالجمعية يتوغ دقن سالاعضاء نتدشلا نعزابان اغرم نات بنور.غرس يغلب ننداهان احرش نوعزام يوري يغلب ندالجورنال انالمجلة نالشهاب دالبصائر دالنور دالاخلاص اما دفر تمنوننت ندزير يوري المجلة نالجيش دالمجاهد.
ينعر الخلية نوكابر نالشعب ندزيراموني تمنغغت دزير يملاقة يد مناو ادموان  نالسياسة ايجور ادسان اوعى نمدان فوحارب نالاستعمار.يوتف غال ترنايت نوحرر ندزير اسقس 1954 يتوغ اتنسق يد قاع المراكز  نالثورة تمنغغت الان فتبجناس ذبيح شريف ايستشهد اسقس 1957 بعد  اتوكشف سوفوس نالاستعمار سن يرول حمو عيسى النوري غال وغلان.
اغلان يرني حمو عيسى النوري اخدامس احارب نتومان اموني اقت سالخلايا نالولاية فيد سزالولاية نالصحراء اتوسرس دمقران نوسقم نتقراولة نوغرم نات بنوراوسجوري نلمور نتقراولة اغزر نوغلان. اسن 17 جوان 1960 العسكر نفرنسا زيرن اغرم نات بنور سايولو تمو دفر اقاض نلخبر غال اتومان بل اقت ترباعت نمجاهدان تلا تكرم اغرم نات بنور الان يجبى غفس حمو عيسى النوري . الحملة نالعسكر نات ومان توض غال اوطف نالنوري ادكان الحبس نالشعبة نالنيشان اسقس 1960 اتوحكم غفس  ستماتانت سوفس نومقران نالبيرو نالمخابرت الاغواط . ارزين  الحكم اكبور اتوحكم غفس سمس نسقسان دالحبس دالبزرة نالمليون فرنك نفرنسا دقميس دقد العسة نالعسكر بعد افوغس سالحبس.
يخدم يغلب يد ابراهيم حمودة اقن سمجاهدان ايتوغ اخدم اغرم نتغردايت اتمعاون مع الخلايا اتوغانت خدمنت تمو نتنري انوسكرم نمجاهدان اماس نغرمان دلغوابي دمول نمجاهدان سوزال دالتاولات نلمعاش دسمورا دقاع ابسون اسحقان امجاهدان تمدورتنسان.
الشيخ عيسى النوري يوري مناولكتابات فومزروي دونعار نتوات تقراولة ندزير مع مناو الدوواين نالشعرراسقضع 25 نسقسان اسعزام اسلماد ال دقضع غال يوش امقران اسن الاثنين 24 شوال 1412 ه 27 افريل 1992 اتونضال اغرم نات بنور .