تمطــوت دغــزر نوغــلان

تموطوت اغلان اتودجاس انشان سبكري فلحساب اندوسين الدين دالشرع مان غرس ايولوا الونسان انغ الحقوقس ايومر سسان يوش امقران.
تمطون نوغلان دقن ستماطاط ايغس يوش امقران فنجال نتقدي نربي دالورع دوقرى نورجازس مع اسبل نتمدورتس اوربى نترواس الان اماروا دكل انشان اطفان اموشان  الدولة دمقرانن نالكابنيات دزير دمناوت تموار نالدنت.
 تموطوتو اولتعزيم اقت الجامعة اولتولي بوهراورة انغ تخولط حد وضضن توغ تطف ديوبريد نيوش امقران دون ادجين امزوار نوغلان.
تموطوط غرس انشانس المجتمع مان تورزماس تورى باش اتسلف اقت الهيئة تابعة غال اوسقم نعزبان اقارناس تمسريدين اخدامس دين الهى دقابل نلمور نتموطوت اغلان.
الهيئة تقابالنت مناوت تنعزامين تيورعين حفظانت القران دالاصول نالدين اسلمادنت تزاليت اتبورخساتين اسحافاظنت القران تواعاظنت تقابلنت اسجوري نلعراس دوقرى الاوامر نوسقم نعزابان.
 تششلت اوسقس تملاقانت قاع تمسردين نغزر نوغلان المؤتمر نلااله الا الله مان اتجردنت تمشراس نوغلان دون الان اضرى ناهانت المنكر دوس يفغ سوبريد نيوش امقران.
اغلان يلا دس يغلب  نتنعزامين تمقرانين انماما بنت سليمان باباز سوغرم نتغردايت تجبى فالهيئة نتمسردين اسقس 1905  اماشي الانت دخ اغرمان اضضنن انتجننت دات مليشت دات ازج دات بنور دلقرارة دبريان دوراجلان عزمانت غال مناو انعزمان الان ديغزر انوغلان.
تمطوط ترار دخ اقن الدور ايزعلك امار نتقراولة اغلان دوزغاز انديز دالبليدة دمناوت تمو تضضنتين امريم عبد العزيز.باسة عائشة بنت اسماعيل. بافضل فاطمة الزهراء. بافضل شريفة بنت محمد. بن عبد الله مامة بنت علي.
امار نالدولة نالرستميين توغنت دس مناوت تنعزامين انواتماس نالشيخ افلح دالشيخ عمروس ارارنت اقن الدور ايزعلك اواعظ دونشار نالفكر نالاباضيين جار تعشرين نمناو المذاهب اتوغنت عمرنت تدرنت ادسان نالدولة نالرستميين.
الانت يغلب نتدشلوين دزاقانت اوقرى نتمطوط دلوناس امار الان الحقوقس توحفظان دلان اماشي اديوس اوال نيوش امقران دوسرس محمد تزاليت نيوش غفس.