انلمادن نوغلان الجامعات ناوربا

بوكراع سليمان اقن سنلمادن نوغرم نتغردايت يلا اماروا انده اقن سالمخابرنالجامعة نلييج تمورت نبيلجيكا  يلا اتوجد الدكتورا احرش نالبيئة دتمدورت نالحشرات .
سليمان  اوض ابرازس باش ادياف اتششلت تمزروت ادوال نقت الحشرة غال تمدورت اقارناس البعوض النمر غال مناوت تمو ناوربا الان توالم اتسضورت تزمارت نبنادم .
 بوكراع يقضع غال مناوت تمو نبلجيكا مان يوف مناوت الحشرات اتوغنت مضانت الدنت تمروازنت الحشرات اتووفنت اسقس 1990 الماركان .
 ابرازس اند بل توالم الحشرات اوضنت غال اوربا سوبريد نالبابورات اتقنان جار الماركان دالميناء نبروكسل . الحشرة تساوض غال  وطان اسقارن حمى الضنك الان اتسبب اقن الخطر فتمدورت نمدان الدنت امار نونشارس فنجال نالتجارة دوقضاع دواسى نمدان سالقارة غال القارة.
تمجروت نتزمارت نتمورا نالدنت اقن وبراس توف بل تس نتمورا نالدنت رقبت انشار نوطان قبل اسقس .1970. الحالة تمزورت تفغد فرنسا اسقس 2010.
سليمان بوكراع ايلولد اغرم نتغردايت يبدى اعزامس اغربازن نوغلان سن  يولي غال دزير بعد ايسعى الباكالوريا يوتف اغرباز اغناو نتكرزت الحراش 2004/2009 يرني اعزام سمان ايوي الشهادة نالماجستير 2009/2010 يقضع غال البنين مان يرني اعزامس دالبحوث احرش نالحراش امبعد يولي غال الجامعة  نموبولي فرنسا سن غال بروكسل ما ميلا اتوجد الشهادة نالدكتورا اخرش نتمدورت نالحشرات.
اغلان الان اسوفغد انعزمان دالباحثين انتاف دكل انشان الدنت اماس نالجامعات اماس نالمراكز ازعلاك نوبراس احرش نتكرزت دجنوان دتزمارت دمناو الفروع اضضنين جار تمورا ناوربا دالماركان داستراليا دالماركان نوداي دكندا.
امكراس الان توربان سوفوس نتوقغرسانت اماس نقت البيئة نتنري دالقفار امبصح تقدي نيوش امقران دالصبر دالارادة دتغس نوخدام دوعزام يجيتان دم اجانا جار مدان.