انعـزام الشيخ محمد ارشـوم بـن الشيـخ بكـير

محمد بن الشيخ بكير بن محمد بن صالح ارشوم اقن سنعزمان دغسان نوغلان اغرم نبرقان اللولد اسقس 1964 يجد اكس نبورخس اسن 31 اكتوبر 2011 بعد اتيوي يوش امقران دلمانت غرس بعد ايوضان المدة 21 نوسان.
يبدى اعزامس اغرباز نالفتح نالقران دغرباز نالامير عبد القادر اغرم نبرقان سن يقضع غال اوغرم نلقرارة المعهد نالحياة ايعزم سوفس نالشيخ الناصر المرموري دالشيخ عدون دالشيخ بكير باشعدال . اسقس 1984 يقدى اعزامس المعهد اتفرغ اوسعزم دوواعظ تمجيدا دقابل لمور نوغرم نبرقان يخلف باباس الحاج بكير ارشوم بعد تماتانتس .ينعر ديغلب ادملاقة دجروان دايولو اغرمان ندية غرس فوس اسلف نالقناة نتلفويون نالقران. االف مناو لكتوب التاريخ الفقه دالعقيدة.
اتوسان الشيخ محمد سوول املال يد قاع مدان عمري اولتري حد اتقبال مدان ستوحديت اترحب سنجوان دوس اقصات دوس يحتاج تمدورتس .
يقم اخدم ايوش امقران الى ططف اقن وطان نت اماس نتمجيدا اتواعاظ اتووي غال تدارت نتزمارت تغردايت سن غال دزير ايقم 21 نوسان ال تالي تنفوتس غال يوش امقران اسن 31 اكتوبر 2011 اتونضال اغرم نبرقان اسن 02 نوفمبر سوحضار نللوف نمدان ادوسين سكل انشان .