اغلان اتوسان سبكري اسوعزام ادولماد دوسلماد سوفوس ننعزمان احرصان فالدين دالاصول نالشريعة الان ابنان غفس تمدورتنسان نجمان اطفان ادعمران اغلان دلان غال اماروا .
اشرى امزوار ابدان اسس امزوار اغلان دين استف انترونسان سمزي اغربازن انتوات اوحفاظ نالقران ادوعزام نالشريعة الان اسيس بنان ابنادم دالساس نتمدورت باش ادسنان الاصلنسان دالديننسان.بعد ومني اتنستفان اغربازن نالبايليك باش ادرنين اعزام دلمور نالدنت.
اغربازن انوغلان اسوفغند يغلب ننعزمان دمقرانان دقاع احرشان عاونان يغلب تدشلوين ددباب انوعزام انتدشلا العلماء نمسلمان اورين يغلب نالمقالات ادالجورنال اتوغان تفغند اسقسان نالعشرينات ادزير ادجار تونس ادمصر.
ات اغرسان حرصان باش ادسلفان اغربازن انغ المدارس الحرة اغلان ادمناو اموشان اضضنين اغرمان ندزير اسوينسان اسولغ نالدين دمزروي انغ التاريخ نات اغرسان دالمذهب نجمان غال اماروا ادسوفغان للوف نالاطارات دنعزمان دسلمادان سونشاننسان.
سغربازان ازعلاك ادولين سوفوس ندباب نالخيرالمعهد نالجابرية ات ازجن المعهد نالحياة لقرارة دالمعهد نامي سعيد دالاصلاح تغردايت الان ندهان
غال اماروا عزمان دس يغلب نمقرانان الان اطفان اموشان دزعلاك الادارة ادلاقتصاد ندزير.
