عشريام إمزورا انرمضان ذي باثنت عدان سالخير اذلهنا

أسعقبن إباتنين اسناط عشرة انوسان سرمضان نوسقاس، سالخير اذلهنا ماني اذعرمنتش المشاكل إقسران إيناط، سيرتو  لزاكسدو، ماني إقزرا الجرنال ''نالشعب''، بلي قلي نالحوادث نبريذن أقسران ذي عشرياماي امين غغننان إخدامن ألبومبي انباثنت، اوثغاوس ثاني أقلا ثحلا ذرمضناي السوماث نتغاوسوين نالسوق امالخوضر  ذالديسير ماني إنروح لباس انلسواق انباثنت ماني نوفا بلي التعغلماث نالوزارة نالتجارة اطباقن ذيسنت إخضارن سيرتو الفرق نالرقابة نالتجارة اتراقن كل أسا اتحواسن ذالأواق أتراقابن أي أقزنززان سالقانون.
او حتى التريستي أقلا إقا إناط لباس نتمشكلين ذي باثنت او يسرق لعباذ برا ماني إقفلن إبريذن أسقاس وليش طول الإنقطاعاث نالتريستي خاطر الدولت أثوفر لباس نسوارد ماني إثعاوذ الخيوط إقذمن نالتنريستي أذومان، او ثرن ثبنى لباس نالمحولاث ذالجديذن عاون إقذيمن بشام اذيلي التريستي يقوى لباس، وثاني القفة انلرمضان نسقاس أثوزعيت كل البلدياث اناثنت ذاللوقث أنس ذي السمانت اللولى أنرمضان، اوثلى ذيس لباس نتغاوسوين يحلان أو يتحتاجيهنت المواطن لباس أموارن، ذالزيث، القهوى، السكر، أغي..، وذالقيذ العايلاث انباثنت سهرنت كامل ذي برا ماني إقلا لهنا لباس سيرتو المديرية نالامن انباثنت أثقا الإستراتيجية تالجديدت ذي رمضان ماني إثفرق لابوليس أنس فإمكان انباثنت كامل سيرتو ماني إتجتمكاعنت العايلاث لباس أوسهرنت امتياتر الحدايق إبريذن غمقرانن، أو شياي يعجباس لباس إلعوايل أقلا سهرنت بغير السحو أومبعد وأذروحنت ثدار أنسنت.
الترنسبور ثاني يلا لباس اوثغاوس يحلان المدرية انباثنت أثقا الكيران سبيسيال اتواين غنالجوامع غمقرانن ام الجامع ١ نوفمبر أقلا نت ذمقران ذي باثنت كامل واتساند أغرس سلباس ندواير اوحتى الولاياث إذقربن امخنشلة ، عين ملية سطيف بشام أذزالن ذيس التراويح.