اقـــن ســــودمـــــوان نالحلقة نعزابـــان نوغـــلان

الحاج داود بن قاسم بن الحاج بكير بن داود حواش اترحم يوش امقران دقن سغسان نوغلان الولد يور نمحرم اسقس١٣٢٢هـ يور نمارس ١٩٠٤ اغرم نتغردايت.  اتوسمى داود سسم باباس امقران الان دقن سمقرانن نوغلان.  
يوتف المحضرة ايولماد العمرس اولقضع سز نسقسان     يحفظ اقت تونت ايتزعلك نالقران يعرضت نت دمكروس ١٢ نسقسان    اموني اسقس ١٩٢٧ سوفس نالشيخ الحاج سعيد عمي سعيد. يوتف  الحلقة نالشيخ حمو بابا وموسى، اتوغ احضر قاع    الدروسس ميددول سوغرم نسطيف.     انجم سالدروس باش ادحفظ اكتاب نالنيل وشفاء العليل نالشيخ عبد العزيز التمينيدالدروس    نالمتن:   النونية، مقدمة التوحيد، . اماشي ايتوغ    الشيخ الحاج داود حواش احضر    الدروس نالشيخ البشير الإبراهيمي اغرم نسطيف مان ايتوغ باباس دالتاجر امونس اسقس ١٩٢٤.   الحاج داود بعد ايوط غال وغلاد اتوعين دقن سمقرانن بالحلقة نعزابان اتوغ اتقابال لمورات    نات الحيج مان اتوسان سالامانة دالاخلاق ازعلاك . اش دفر اقدى نالحيج يتوغ اتزل لحسابات غال الحلقة اماشي غرس فوس دخ الاي دعاون نمرشدان ازعلاك اغلان انالمشروع نالمعهد عمي سعيد ابد اعافر باش اديجور سون الان اتوسان سوبدي مع الحق اولقبل لعوج غرس الرحمة اولس اعاون نضعاف دقليلان . يثم اخدم ادجاهاد مع امرشدان نوغلان ال اسن سبت ٢٦ درمضان ١٤١٠ه ٢١ افريل ١٩٩٠ اويت يوش امقران دالامانة غال الرحمتس.