ات اغرسان دمزوار ابدان انداه احرش نالاعلام دسوفغ ند الجورنال اموني قبل اتشور نتقراولة اسقس 1954 .
الجريدة تمزوارت انتوات تفغد اسقس 1920 ادزيراقارناس الجريدة نالصديق اسويس دين ابدي اودام ندوهيل دالمخططات نتوامان ادون الان تدجان فجزائريان مع احسس انمدان فالخطورة نالاستعماردزير.
الجريدة نالصديق اتوغ اتوطباع المطبعة نكريسونزو يجبى غفس سز نالتجار انتوات . المدير نالجريدة اقارناس ابن زكري محمد بن يحي ايلولد اغرم نات ازجن اسقس 1870 اتوفى اسقس 1940 وني يتوغ انده احر شمتجارة مع احرش نوسعزام يتوغ يدجور جار تبسة دخنشلة اسعزام اتدج الاتصالات يد امناضلان اجزائريان .يتوغ اسعزام اغرباز نالصديقية اغرم نتبسة سوغربازو سمان الجريدة سسم نوغرلزو سسم نالصديق.
اغربازو اتوغ اتوموال سوفوس نالتجار انتوات نتبسة يجبى غفس اقن اقارناس عباس بن حمانة.
بعد مناو اسقسان ابدان تفغاند مناو ندالجورنان يعني جار اسقس 1926 د 1938 افغند ثام ندالجورنال اسسنت وادي مزاب. المغرب، النور، البستان، النبراس، الأمة، والفرقان . اش تتشلت الاستعمار اططف اودموان دمسجرانان اندهان احرشو.
احرش نسلان يج يغلب نجزائريان ادرزمان تطاوننسان اسسنان انلان اضرى دزير فاقند سضاس ابدان تتشران اودم نالاستعمار اماشي اضران اسقس 1954 الفضل ادقل غال ادالجرنال دسلان.
