أذيبذو، أس السبث، ذي البلديث نلمعذر ذي باثنت، الصالون الولائي أمزواروا فالصناعاث التقليدية ذالحرف، أقلا أثنظميث البلديث نالمعذر، واقلا أشاركنت ذيس لباس نالولاياث سي الدزاير أمين إغنن جومير نالمعذر ساعد سلامي، والتظاهرثاي الهدف السيس أدعوان الاعتبار ذالقيمت إلثغاوسوين أنزيك وأذحافظن فلاسنت سيرت البلدي نالمعذر أثوالف ستظهراث .
أتشارك لباس نالمدرياث ذي الصالون نالمعذر أمزوارو امالمدريث نالسياحة، الثقافة، الصناعات التقليدية اولباس نالجمعياث ذالعرضين أم الوكالث نساحت التوت، وثخس البلديث نالمعذر سالصالوناي أتجمل لباس نالمهتمين ستغاوسوين بشام أذضاخن فالواقع نالصناعاث اتقليدية ذي باثنت أقلا ذيس لباس نتراث ذالحرف التقليدية ثذين أقلا ثتواخذام سيفاسن أتقشابين ذالقش نلخالاث، وحتى الماكلت التقليدية هاتلي حاضرة ذي الصالون نالمعذر.
وأذقيم الصالون ٣ انوسان ذالمعذر هاتلي ذيس لباس نالمحاضراث أذشاخ ذيسنت لباس نالمختصين ذالأساتذة فالاستثمار ذي الصناعاث التقليدية، وهاتلي التظاهرث ذ الفرصة إثخامين نالأوراس ولخلاث انباثنت بشام أذزرنت مات اقلان ذالجديث ذالحرف ، وذي أقسناي هذنظمن المشرفين فالتظاهرثاي لباس ننشطات ذالمعرض ذ المسابقاث إلمشاركين او الدريث أقذاشن أقلا اتحبان البيئة أومبعد أذوزعن الجوايز فالرابحي ذأقاس أنقارو .
صالون فالصناعاث التقليدية ذ المعذر ذي باثنت
باتنة: لموشي حمزة
![](/ar/components/com_k2/images/system/blank.gif)
شوهد:1316 مرة