أغــروم اكفالــو نتّا اقسبهايـــن الميــداث أنلوراس امقران ذي المشتا نوسقاس

تعولانت لباس لعوايل انلوراس امقران ذي باثنت  أوخنشلث فوآغروم انكفالو اقلا يتموقا ستخميرث بشام اتواتش ذقسان نالمشتا ذأسميت سيرتو يتوتش لباس انلحراث ذالقوث الجسم نبابنس خاطر يزقا ويزيط ونتا اقسرقاين ويتكس لاز سقعديس فلجال نشياي ولانت غرس لعوايل لباس ذي لفظور انيغ ذي لمعشاث وثننانغ الحاجة عقيلة بلي ثروانس اتحبان لباس اغروم انكفالو ذي المشتا سيرتو بغير اذيلي يحما ويموكسد امين سقفان واثتش حتى بلا والو ويحلا مليح بغير اسموق المرق نالخوضر انيغ الشوربة يتراقد يزيط لباس ويسرقاي.
ويتموقا الخير سوارن يحلا ويملي واترنيذ استخلط قيتش نالزيث ذي شامن واتق ذيس ثاخميرث بشام اديرق يوف قلي ويتوعجن مليح ومن بعد اتسرسذ امين اغنتحكا الحاجة عقيلة ذي ثاربوث ومن بعد استرنيذ امان يحمان واتتخللاطذ بلغقل بغير اذسو امان ذين كامل واتبذوذ اتعجن مليح مليح واميرا ارقنتيد ثعجانين ماني اثتعجاننت ليه ليه ومن بعد اتسرس سمانت نالفورتنو بشام اذثخمر مليح واتطف ذيس ثخميرث ذين
وثقارنغ الحاجة عقيلة ذي الوقث ذي نماني اقتيلي يتوخمار اتروحذ اتخذم اي ثغاوس خاطر نتا لازم اذقيم الوقث ذمقران قلي سمانت نالفورنو بشام اذتوخمر مليح واديرق يوف بغير اذيوم، ومن بعد اغلا نالساعث انيغ اذسنت انيغ حتى تلاثة نالسوايع اتولا غرس لال انوخام واتبذو اتق ذالقرساث تمقرانين امين هتقن نرخساس اسيس، واتبذو اتعجن واتقر اغروم ومن بعد اتق ذقفان بشام اذيوم ونخس انيني بلي فال لازم اذيلي يموق ديجا اغرس الوقث يعرم قبل مهنبذو انقر اغروم بشام اذطوالش ذقفان واذيوم ليه ليه.
ومن بعد مهذيم اثنطف واثنسوم فلقرونواثنزلق قلي قلي وانكمل انسوم ثرخساسين كامل هما ومن بعد ادناوي ثكربايث واثنبظا ذالمرصواث واغنغطا سترشون وانوجذ المايدة نلفطور انيغ انلمعشاث.
واديرق اغرومن انيغ يزيط ويخف ويحلا لباس سيرتو ماني هسترنيذ لجواز امشوربة انيغ المرق نالخوضر انيغ الجاري  المهيم ثغاو اذتواتش ايس وحتى اغي واديرق ذالطبق قليل شايا اثتتن ذي الوقثاي خاطر لباس نالخلاث اقلا بعذنت المكلاث.