اسن 01 توبر 2008 دس نالعيد ابزان مدان فرحان اسوتاف نالعيد ابدان اتوجدن اماننسان اوزوري نتواشولين .يوش امقران اقدر باش اسني اديلي دس نقن ومان اقوان .مع 06 نغبش يبدى المستوى انومان نغزر انلمزاب يدجور اتالي اوضان امان غال تام نالمترات اوسيند تتشلت اقت اتاوين ادسان كل بيلا اشرى ابريدنسان .فاضان غال تجموين دغولاد دبردان يجد لخساير تزعلاك يجاد تمتانت ناجار 42 نمدان ادلملاير انلخساير ايتلي دمناوت البلديات نالولاية نتغردايت .
اماروا قضعن تس نسقسان فتواغيت مان و س يلا سدسات اسرسان اقن وهيل نوسع انوبريد نغزر المزاب مع اريب انقاع انتدار دلملاك اتوبنان ايدران نغزر باش اسوشان الحق اومان ادجورن بلا ما ادسضورتان الحالة انومرشيد انوبنى نقن اوماروا ايدران نغزر انلمزاب دوريب انملاك الان ادسان نغزر .
الدولة تسرس اقت تشموست ندرمان امدان اغرسان لملاك ايدران نغزر يلا وس اتووشاس تمروت يلا وس ددرمان ،اماشي اتورممنت تدار اتوضورتنت مساح ادقم تجموين نوغرم نتغردايتزذغ غال اماروا يغلب انتدار الانت مرارنت بلا اقت اوسقم بالخصوص ايدران نغزر .
تم نغزران انلمزاب يلا دس للوف نترجوين جار اورران اغزران اتاسند سلجوايه نالولاية نالبيض دالاغواط انواد لبيض دالواد انلعذيرة دالتوزوز تاوضان غال 300 اد 400 كلم.
امزوار اعمران اغلان اولعريكان اجند تمورا ادلوسع اولين غال اوجانا نورران امغر الان اسنان الخطر انومان فتمدورتنسان دويتلنسان مع احافظ فتمورا نتكرزت .
ستمشراس الان اتدر دس اغلان دين الكثرة انمدان اقمان بنان عمران ايدران نغزر اسلاياند تدار دغربازن ادملاك بلا ما ادقران لحساب اومان نغزران امار الان توضورتان مناوت تتشال امبصح مدان تاتان فسع.
