تغرم نلعراس اغلان

التقاليد دلعوايد نوسدج نلعراس دزير اش حد اماشي افرح دالنظام ادجور دس يلا وس زذغ يلا اطف دلعوايد نبكري يلا وس اصورف لعوايد يدولد اتسدج لعراس فلحساب نلعوايد دالتقاليد نتوامان.
النظام نوسدج نلعراس اغلان لاش المثالس انشان وضضن غرس يغلب نالخصائص اتميز سسانت فموشان اضضنين.
لعراس دجورن فلحساب نالدين دالشريعة لاش اشرى اتورني دس اناف تعشرت انتها تجبى فوسقم دويجور نلعراس اغلان دقت الهيئة تجروا قاع تروس تجبى فلموتنسان . تحرص فكل بيلا شرى سالوزران غال امكراس الان خدمان باب نالعرس سوبدى ال اقدى نالعرس انتها اتحدد اصداق دبسون اضضنين باش اولتلي اقن الفرق جار اقليل دومركانتي.
الفرح ابدى سالقران اقدى سالقران دلبيات امدحنت اسر نيوش امقران اماس نقن النظام نوقرى نومقران دوبزان.
العرس اغلان لاش دس يغلب التكاليف انغ المصاريف دزعلاك اماشي يلا الحال انشان وضضن مان مدان تشتكان سلغلاء دريال يغلب اوسدج نالعرس امغر قضعان غال وشري نالصالات دتمجورين دسامورا دوس ادقابل العرس .
اماالعرس اغلان يدجور فلحساب نالقوانين اتسرس تمجيدا باش حد اولتعلق حد قاع مدان كيف كيف باش دخ اقليل ادسقضع العرس دوحدي انومركانتي اوليتحوسي سقن الفرق جارس دحد وضضن مدان نتعشيرت قاع تبدان مع باب نالعرس الان اتوسدج اماس نتدارت نتعشرت اتولي سويتلي نتروس ددباب نالخير .
سبسون ابهان دخ دين اسامورا املالن اناف قاع مدان اسامورا اقن اللون اقن املال اماشي اوصى اسر نيوش امقران امسلمان باش ادقنان اسامورا املالن اماس نقن الجو ملائكي.
اسقسن امدجورا ارنين اقت الفكرة تجددت دين لعراس اجرون يغلب نسلان اقارنس الاعراس الجماعية مان اقليل اولتحوسي سالمصروف نالعرس.
اما العالم نتسادنان فرحنت وحدنسنت بلا اقن وخلاض مع ارجازن غرسنت النظامنسنت ايدجور سوفوس نتمسردين نتمجدا اتقابلانت العرس سومعاون نتعشرت ددباب نتدارت.
تنن دالقيم نتغرم انغ الحضارة ادج اسر نيوش امقران محمد تزاليت دسلام غفس الان دغزر نوغلان يلزم اطوف دسنت نسوطات احد وضضن اونتجي تغرميو اتقضع يلزم اسولغاس امزانان باش دغنتنين اتسوضان اوس ادياس دفرنسان.