لباس نتغـاوسوين نالثقافث ذي سهـراث انـرمضان ذي بـاثنت

ثغاوسا يحلان ذي رمان نوسقاس ، البلدياث انباثت أستفادت سي لباس نالبرامج نالثقافة ذ الفن ذ الزهو، سيتو ماني إثقا دار الثقافة انباثت لبروقرام يحلا لباس بشام العايلاث إقتيلين بعذنت فباثنت سنطر أثقاوانت أقنهنتين أذفرجنت فلباس نالمسرحياث ذالفرق أنلغنا سيرتو لغانا انلوراس  أمقران، او ينانغ محمد بهلول وأقطفن سارفيس نالنشاطاث الثقافية ذي مديرةث نالثقافث انباثنت بلي قبل ما ادعدا سيدا رمضان زربن قين بروقام يحلا لباس أذرضا ان شالله القوسطو ان لباس ن العاسلاث ذي باثنت سيرتو ذي البلدياث اقبعذ ام عين توتة بريكة مروانة ، أريس ....
البروقرماي يموق سدعدا رمضان ذي المراكز الثقافية أقلا ثتيلي ذي باثنت تقريب كامل سيرتو المدايح الدينية خاطر انتشناي ذي رمضان المعظم ، أرنين قين المسرحياث أقلا يتاسد ذيسنت لباس نالبيبليكن او ثاني ثغاوس يحلان أمين إغنتنا العايلاث إرجرنال نالشعب بلي المديرية أثقا المسابقاث إيذ نالعروضاي بشام اتدج المتفرجين أذوشن البال انسن مليح ، ويقلا اتحبان الشعر لباس أثقاسن المديرية ثعشويين نالشعر اغلا أن الفطور ذي المراكز الثقافية .
والبلدية انباثنت وحذس ثق لبوقرام يحلا لباس ماني إتبذو قبل ما ادعدا رمضان سوسان ن نتا ليالي نالصيف انباثنت ذي الحديقة نالحروف ذي السنطر فيل ، ثتاويد ذيس المغنيين ذالمهرجن بشام أذسعدا الفرحة ذوقولاون نالعايلاث اقلا اتروحانت، التياتر انباثنت اكنتا يلا ذالموعد نالشهر ان رمضان ماني إقرزمن البيبان أنس كل أسا بشام اذفرجن يوذان المسرحياث أقلا أوسيند الممثلين انسنت سي لباس نالولاياث ي الجزائر ن او ثرن الإدارة نالتياتر أذبمج المسرحياث لباس بشام اتتواعرض ذي لباس البلدياث والولاياث.
السكان انباثنت انن إلجرنال نـ»الشعب» بلي يعجباسن الحال لباس سي احكة الثقافية ذ الفنية ذي رمضان نوسقاس.