يـور نـوزومي اغـزر نلمـزاب

اغزر نوغلان دقت تم الان غال اماروا زذغ تلا تطف دالدين تطف دتمجيدا الان تسجورى لمور نالمجتمع بالخصوص امار نيور نوزومي الان قاع مدان اتمانان ادياتف يور فنجال نالخير الان دس بالخصوص مدان اضعاف الان تافان ادباب نالخير بدان ادسان مع ارني ندنفاش دالصدقات ايالفائدة نمرشدان الان تاليند اغلان انتمجديوين دغربازن اوسحفظ نالقران دالفقه دمزروي نالمذهب الاباضي.
غال اماروا تلا دني اقت العادة الان اطفان دس مدان نوغلان دين اقضاع نمدان قبل اونو نتفويت اسن امدجاروا نيور نشعبان غال اموشان اولين انوورير نبوهراوة تغردايت دمناو اموشان اضضنين اغزر اورقاب نيور مان اتقمان دن ال دفر تسمسين اورقاب نيور سالقلتس .بات اتورقاب اوال  ادقضغ غال قاع تمجدوين اوخبر نمدان سوتاف نيورنوزرمي.
نوزومي القران اتقم اتوعزام سوس امزوار نيور نوزومي تمجدوين بلا ابدي ال اقدى نرمضان مان اعزبان ددموان نتمجدا سهرن بدان المدة نيور نيضان اموني  ازوني نالمعروف اش بعد تزاليت جار تسمسين دتنضاس مع اواعظ دتزاليت  نالتراويح دوترى نيوش امقران باش ادسوط الخير دلمان دوارزان فقاع مدان.
اش اض نالجمعة جار تسمسين دتنضاس دفر اعزام نسورة الكهف تمجيدا تشارى سمدان اوحضار اختام نالقران الان اتوزون ابدى نسبي فمدان باش ادتوعزام تدار دقت الوسيلة باش القران اولخطي تدار اتوعزام ضدجيض ددقس اش امار دقت الطريقة دخ باش امزانان اطفان دالعادة نوعزام نالقران بالخصوص لكنغ اقت الوقت الان نشرنت دس الوسائل نوسلهي انلفزيون سالقنواة مع الانترنت دالتاولات تضضنتين الانت هلكنت الحالت اسباعدانت مدان سوبريد نيوش امقران.
سبسون اوحديان دخ يور نوزومي اغلان دين اجرو نتواشولين دمدتشال ضدجيض فالكاس نلتاي الان اجرو مدان اش حد دالنيتس دقن ايور الان اتقان جار اولاون .مدان دقلان غال بعضهم سومسماح دفكر نالاخرة دون اوصى غفس اسر نيوش امقران محمد تزاليت دسلام غفس.