اغرم نالمنيعة اكبور اتوبنى جار القرن فيد 09 د 10 ميلادي سوفوس نتعشرين نزناتة اتوبنى اجانا نقن وورير فنجال نالقلت نلمان ايتوغ امارني اتوخير دخ يدجوج سالخطر نغزران .
اغرم يرقب اقن اوشاشي دونداه احرش نتجارة فنجال نالموقعس ابريد نترجاف اتقنانت جار التل دفريقيا. اغرم يوسد اقت 270 كلم غال وداين نالولاية نتغردايت يوسد جار تغردايت دتميمون.
القصر يولي يغلب غال لوجانا اضلى فقت تجم ايتزعلك دس قاع لرهاط نتزدايين دلشجار نتشين دالقارس دماندرين.
اغرم ينض سقن السور دمناو لبراج اضالان فوداي نالقصر الان يولي اقت 70 مترا.
اماشي اناف مناو الغيران اماس نوغرم توسخدامان اوسكرم نالعولة نمندي دتيني دقاع التاولات اسحقان امار نتجرست انغ الوقت نالشدة.
اناف تمجيدا اماس نوغرم اتناض فتدار دمناوت ترسين نومان اماشي يلا الحال اغرمان نغزر نلمزاب.
سمقرانان احكمان القصر اقت تمطوت اقارناس بنت الخس اتوسان سلحذاقت دسجوري نلمور نتعشرين دمدان الان عمران تنري. توني
توغ تحكم اقن لقصر وضضن لجواية نالبيض .
ادموان نضلس نالولاية اسرسان اقت تشموست ايتزعلك ندرمان اوعاود نوسقم نوغرم دعاود نبسون ارزان انوسيلي نموران دلسوران دصافا نالحالة امبصح اخدامو اتودج غير المناسبات لاش اقن اوتابع انغ
احراص دبدي دسات وس لاش غرس اوول نوحافظ فلثار انن دزير مان يغلب نمدان تنضان غال المعلم الان لاش دس اقت العسة انغ اقرى نلثار انترى اموران دوروى نبعض نلسوار دمناو ابسون اضضنين.
القصرانتدت ادنجم ادرار اقن الدور ايزعلك اجمو نتم نالمنيعة مان ادباب نالحرفات دتواشولين ادزنزان التاولات اغرسان عرفان ستم نالمنيعة اللوف نالزوارالان اداسان سدزير دوزغار اماشي يلا الحال اموشان اضضنين اناف مدان تدرن غير سالسياحة .
