العبد لي تسمعو يقطع فيا
بجاه ربي غير ما تنهروش
خلي الغافل ينقص عليا
حملي ثقيل وحدي ما نجمتوش
باه من اجره تدي شوية
انسى كلامه ليا ما تعاودوش
حسنة بلا تعب جات ليا
ذنوبي معاه ما تقسموش
شوف وجهو اذا تلاقا بيا
حامل ذنبي مسكين برهوش
فيه مخ خايناتو العقلية
كثير مثالو مرضى ما ترقوش
للمخفف ذنبي ألف تحية
بلاش نقص عليا ما خلصتوش
عبد يعشق ويموت ع الأذية
خليه من راحة نفسه ما تبخلوش
خليه يقطع دير مزية
استغفرلو ضعيف نفسه ما رحماتوش
ورد بالك تجي وتعاود عليا
الفتان ربي قال ما نحبوش
اذا نايفت استر مساوية
ماشي قدامي تلعبها مغشوش
على من قالوا مقفولين وذنية
هزاز لخبار انا ما نثيقوش
