يا جزايري

يا جزايري سير بخطوة مربوعة *
ما  تغرك  كلمة لي قالوها العجمان ...
عنقر طربوشك وهامتك مرفوعة *
ما تخون العاهد حربك مع العديان ...
خارج من دارك خطواتك مزروعة*
في بلادك صنديد فيها لعلام ايبان ...
لا هولة تصرى ولمجامع مجموعة*
ما نضحكو علينا فرنسا والماريكان ...
يا خوتي الصرعة فينا راه مقلوعة*
ولي كان عقلو شارد يرجع سلمان ...
والبغضة صارت في قلوبنا ممنوعة*
رانا خاوا خاوا قالوها ناس مزمان ...
الفتنة علة تجي بالأجرة المدفوعة *
يا ويحك لا تشريها تقعد خربان ...
اسمع للي تكون فحالتو مطبوعة *
بيه تكون لبلاد ضاويا نجم الفرسان ...