سليمان بكاي اكراز انوغلان

سليمان بكاي اقن سكرزان اكبار انوغلان يتشرد اخدام نتمورت ادوحفار انترسين يوسد غال الدنت اسقس 1931 امار نترمزي دتقلي دتمدورت اوعران اغلان.

سليمان يتشرد سيمزي اماس نتجمي دتزدايت ادوخدام نتمورت سد بابابس ال دزعلاك يولي غال التل باش اددج ارجاز يجرو ادرمان دسقسان ال وبدى 1962 اعاود اوط غال وغلان مان يدول غال وخدام نتمورت دتزدايت.
سليمان اخولط يغلب اكرزان اكبار يبي اسيسان يغلب الخبرة دالتجربة نتكرزت اماشي اخولط امكراس ادفغان سالجامعات يبي اسسان يغلب التقنيات تجددين اتوسخدمانت احرش نتكرزت.
اكراز انوغلان يخدم يغلب يد ادباب انوحفار انترسين يلماد يبي اسسان يغلب التقنيات ادلسرار انومان .
اماشي اتوكرم ديغلب نالمناسبات ادزير ادوزغار فنجال ننداهان دخدامان ايالفايدة نتكرزت بالخصوص اعافراس اوف نقن اسوفار اوطان نالبيوض ايهلك يغلب تزدايين تجموين انوغلان.
دفر تزعلكتس يلهى اتيرى دوسجل انلان غرس تونجمتس ادوني ايلماد احرش نتكرزت بالخصوص تزدايت يوري مناو لكتابات اساولان استزدايت دترسين دوزوني انومان  ال تياوي يوش امقرن دلمانت اسن 10 مارس 2018 سقن العمر 87 نسقسان اشوران سعافران دخدامان دالتضحية فنجال انوغلان دتكرزت.