اسقس 1815 الوالي نوغرم ندزير خير الدين بربروس احوسا سالخطر نسبانيول استعمران الكدية نالصابون اتوسو اجانا نتمنغغت ابريد غال الابيار ابنان دس اقن البرج دقت العسة ايتزعلك اضالا فقاع ادزير مع الميناء نتمنفوست
بربروس ازاقا غال القصرس امقران انتوات دزير باحيو بن موسى سوغرم انتجننت دالضامن انتوات دزير بكير بن الحاج محمد بن بكير سوغرم نات املشت ادمناو امقرانان انتوات التل. خير الدين اسوتر استوات افى نقن الحل دقن وبريد اوقدى فالاستعمار نسبانيول دزير.
املاقان توات تمجيدا نطنجة اماس ندزير مفهامان فقت الخطة دوسدج نقت العملية خيران 70 نالفدائين اسرسان وزال اماس نقت تجى اوينت دالجنازة مع وبريد لجوايه الان جروان دي العسكر نسبانيول اسرسان تجى باش ادزالان فومنتو دقد تطاوين نلعدو مان اغار اقن يصدم فقن البرج اسقسان امانس اوي ادس يغلب نالعسكر اما اضضنين قضعان شعلان تفاوت لفلوكات اتوغنت ايدر نالل مان العسكر نسبانيول اخلضان اتوزون فزدجنان انغين يغلب اسسان الباقي رولان مع امقرننسان البابورات.
العملية تضرى اسن 23 جوان اسقس 1518 مان توات نجمان باش ادسوفغان اسبانيول سوماس نتمغغت ندزير،بعد اورال نالقائد هوغو يد مناو العسكر ادقمان ادس اما امحراس انتوات اتونضلان تنضلت انحسين نداي.
