بذانت لعوايل انلوراس امقران تعاشنت الاجواء نالصيف أقلا يحمى اسقاس مليح ماني اتراينت وتسفارنت غل ولاياث يطنين أقلا ذيسنت لبحر بشام اذسعدانت العوطلث، سيرتو ماني اراجنت آيكمل رمطان و العيذ امزان أوبذون أتراين برا انباثنت بشام أذحوسن قلي واذصيفن سيرتو ذي البحر نالولاياث غدقربن باثنت ام بجاية ، جيجل ، سكيكدة، خاطر ألدخول المدرسي ذاولي نقداشن غنلقرايث إقربد اولازم اذسحوسن ادريث انس.
اننتانغ لباس انلعوايل انلقاهنت بلي نهنتين وجذنت غماننس قبل العيذ امزيان اولانت اتراجنت برك أذسعدانت المناسبياي خاطر غرسنت لباس ماني إجملنت إصوردان نبحر، أوزيك ألانت لعوايل اذتروحانتش طول لبحر خاطر ألانت آغ اسعدانت آنبذو ذي الدوار إذنلعايلت ثمقارنت ماني غتمجمالن اوماث توماثين ذثداه نامغار امقران، بصح ذي لعوماي إنقورا ماني إقعمرن ادريث أنسنت اولان غرسن ثغاوسوين نتالكنلوجيا ولان اتروحان لبحر خاطر اتاويند أسقاس كامل نهنين جمل الصوارد نالرحلاي .
إمسعاذ يقلا غرسن إسعيفن انسن انيغ لفاميلت ثتيلي ذالولايث انلبحر أهنتافذ أثهنان سسغ زقوم نننساي خاطر ديما اتنوسن غرسن،بصح يقلا أوغرسن حتى أذحد ديما قران أوتاوين إذسن كلشي سياي امطابونا ، لبسطاث، أدرواث، حتى القضيان ألحق نوسان إمزورا اتاوزيث سبانت، أولانت ألعيلاث لباس أتكلنت فالمدرياث أقلا خدمن غرسن ، خاطر كل آنبذو اتقناسن المخيماث أترحان إذنسعيفن انلخذمت، ماني إتافن الفرصثاي ثحلا لباس بشام أذمزرنت لعوايل نخدامن نيييشت نالقطاع ام الصحة انيغ التربية.
وحتى الدريث تراين ذي الرحلاث اقلا تنظمنهنت الكيران ذالجمعياث وتروحان ولوكان فيشت انواس سيرتو اسقاس ماني اقلا الترنسبور ذي الماشينة يتاوي بغير الولايث نسكيكدة زيك تصبحينويتولاد ثاعشويث ماني اوفينت ذيس لعوايل الراحث انسنت خاطر ذيس لهنا ويسخلاض بغير لبحر .
