ذى ثولايث نباثنث يبذو الوقث نثكرزا نثمورث ندزاير ذق منزو يوذان نلوراس اسقسا تاملن الخير ذي ربي و هنيرزق سنوث، و بذون كرزن ثيمورنسن ماني ادسغين الزريعث ذي لسواق بشام اتقرن اثمورث واتسغمي، ولان اقلان صغيند ثمزين سومثنسن 3500 دج اي قنطار و لان اقلان سغين ارذن تقن 6000 دج اي قنطار.
وبشام اتنجح لخذمت انس واديرق اسقاس يحلا لباس كران تراكتوراث اقلان اسنيكرز سسومت نـ 1200 دج ايساعث، وأيا أقلا أذسيننش اذكرز أكرين افلاحن اقلا غرسن التجروبث والخبرا تامثرانت ذي ثموسلاي.
الشياي اثمورا اقلا اتكرز ثمزين وثمورا اقلا لماليث انس اخسن اكرزن ارذناسوقيرن قل ثمسالت بغير ادعدا ايور نيانير ذاقسقاس اجديذ، خاطر ثمور ورعان فلاس الحال اقرذن، وباثنت تواسن مليح سكراز نرذن اتمزين سيرتو ذي ثمورا نالشمرا تيمقاد ، جرمة عين جاسر وحتى البلدياث اقلا ذي جنوب نالولايث.
وثوفر الدولت لباس نتغاوسوين اقلا اذعاوننت افلاحن بشام ادسرقن اسقاس يحلا لباس ماني اثوفر تاركتوراث وارذن وثمزين وحتى ليبرودي اقلا اومبد اذبوخن اسن ثمورا، وحتى الخلاث اتعاوننت ارقازن انسنت ذي ثمسالتاي خاطر ثمورث واحراث ولفلاحث كامل ثتهما ثخامين انباثنت سيرتو ايا اقلا ورعان اتعاش ذي الدواور.
فونقارو نخس انيني بلي افلاحن انباثنت كامل طلبن ذي ربي ادياوي اسقاس يحلا واديوش لمطر ذي الخير ذأمقران بشام ثمورا كامل اذروانت امان.
