يا ضيقة بركاك خافي من مولاك
عذبتيني واه ماشفك حالي.
وش عجبك فيا زدتيني تهاك
عندي حمل ثقيل راني زوالي.
هذي مدة طويلة واحنا في عراك
خليني وحدي نبقى في حالي.
عمري كامل عديتو معاك
شاركتيني فيه كل الأحوالي.
شريكة عمري مهيش كيما هاك
وساعة وتروح نبقى في حالي.
أما أنت ما عرفت وش ندير معاك
ما نفعني طبيب ولا صيدالي.
ربي وحدو هو يتولاك
يرفع عني كل هذا الاهوالي.
إلاهي الكريم راني نترجاك
تشفيني ربي فالعمر التالي.
