أعداد يور نتفسوث ذي الولاياث انلوراس امقران وأقلا أقرناس ستشاويث ثافسوث اقلا تحتفال ايس ذي منعة سالمهرجان ذأمقران ماني اتراقنت لعوايل غنرعقاي ذي اذورار بشام اذزهان سيور نربيع بلي اعداد وماني اتقن لباس نتغاوسوين احلانت مليح مليح امجبي فمريض وأزوري نلفاميلت وأسيرط ادريث القش انلجدود بشام ادبين بلي ورعان نهين اطفن سالعاداث ذالتقاليد انزيك.
ثافسوث ذي منعة غرس الذوق وحذس ماني اتقنت الخلاث اشخشوخ نغروم اقلا يزيط مليح ويتوتشا سلبصل ويتموقا ستملالين وطبخنت الخلاث اسيس لباس ذقسذين خاطر اسراقنت اقنجيون ذيابرانين اقلا عقبن فبريذ بشام اذتش سيس، وتيرارن ارقازن ذالدريث وحتى الخلاث هاكورث اقلا ثتعبار طول طول فافلرح انس سيور نتافسوث.
وثغاوس صيشت ثاني ثتبيان بلي اشاوين ازهان سثفسوث اموقي نالزيراوي ذالرفيس وحتى لبراج اقلا خدمن اسيسنت لباس وفرقن سكان انمنعة فنيجوين اقلا ولان اتاسد مونكل امكان بشام اذزهان ذي منعة سيوراي، ولوكان اذيروح حد غمنعة اسناي اذياف احنبلن علقن وثيرزباي تموقانت واقشابين مونكل امكان توارطن ايذ نالحاف اتجوباب انيزك نالتقاليد انغ خاطر فاقن لعباذ نميرا وازرين بلي لازم اذحافظن فالموروث نلجدود انغ، ماني اسعلامنت ثهيوين مامك اذقنت ازطا واذسرطنت الدوفث واذقنت اسيس ثسمتاثين واني غمامك اذقنت لوماكل انزيك وحتى اسنسرطنت اروط انزيك واذرقن ايس برا ادبين اقنجيون نمنعة بلي نشنين نتحبا التاريخ انيغ ونتحفاظ فلاس.
