اش يور انتفسوت اتوسدج اقن ونوض اقارناس الزيارة غال مناوت لمقابر الان اتونضلان دس الصلاح دالاولياء نيوش امقران،اش اغرم اتسدج اس نالزيارتس اسوجبى نترباعت نعزابان ديروان دمصوردىسونعار نللوف انمدان اتاساند سايولو تمو دقت المناسبة ايتبهى دقن العرس اضرى اغزر انوغلان.
اهيل نالزيارة ايبدى بعد تزاليت نغبش مان الغاشي اتفغ غال وزغار نوغرم ادملاقان يد اعزابان ادجرون ادجان اتوترى امبعد ادبدان ايجور دوساحي ادزاقان - بسم الله يا الله يا رحمان يا رحيم ارحمنا- اسوتوران يوش امقران باش اديلي اسقس اجديد دسقس نالخير ادلهناء.
كل مااضوضان اقت المقبرة ادقمان تمورت اديوش اعزاب التاريخ دالسيرة نالولي الان اتونضال المقبرة باش مدان ادسنان التاريخ نالولي دالصلاح انوغلان ادبين العبرة سمزوار اماشي اتوغان اطفان اقوران تيصرت اوصى غفس يوش امقران.
بعد اقدى نالزيارة ايدلسيت ادجرون ازغار نوغرم اوزوني تيني دوغي ايالفايدة نمزانان الان اولحضيران اساحي .
دفر تكزين اتوسدج اقت الختمة نالقران المقبرة سوحضار انمدان دعزبان مع اصودوف ننفاش انووشو دقن لمني امزانان باش ادحفظان عمران تمجدوين ادوعزام نالقران .
الزيارة اتدقل غال وبدى نوعمر نغزر انوغلان مان اتوغ لاش الخير انماروا مدان اتوغان تدران غير سون اتكلي تمورت دتكرزت سومن اش تفسوت مدان جرون اتزونان انفاش اسوتوران يوش امقران باش ادسوط الخيرس يحفظ اغلان سايولو تمشراس دالمصائب.
