اسقس 1918 يرقب اعركوب اجانا نوغرم نتغردايت تلاليت نقن سمقرانان ندزير اقارناس يوسف بن ابراهيم بحريز دقن وزمول نالخير ايدزير ادوغلان . اتشرد اماس نقت تواشولت نالمحافطين يعزم اغربازان نتمجيدا نوجانا مع اعاون انباباس اخدام نتمورت دتكرزت .بعد مناو اسقسان يوزنت باباس غال العلمة اوخدام تحنوت العمرس 23 نسقسان.
وسان انتقراولة يرزم تورى انتحنوتس دسات امجاهدان تتدولد دنشان ندوملاقة دجراوان نمقرانان نترنايت نوحرر ندزير انبوخالفة علاوة. بوعكاز زيتوني ادمناو اضضنين.
تحنوتس توغ دنشان دخ انوجرو نريال دوسكرم انوزال ادوطوف نالامانات انمدان توغ دنشان نوسكرم نسوفار اتوشمران سني غال وورير .تحنوتس اتوغ اتقان جار ات وورير دمجاهدان الان اماس نغرمان. اماشي ايتوغ اخدم دخ اغلان يغلب يد بوجناح اسقارن الفرقد اقن سودموان نالسياسة نترنات ندزير ايتوطف مناوت تتشال اتوزعاك سوغلان دسقسان.
اسقس 1956 ينعر تمسشانين تزعلاك ضد الاستعمار اماس نالعلمة العسكر نفرنسا يبراس غفس بعد ايروال غال وغلان يكرم دس ال تهنى الحالة يدولد غال العلمة ينعر دخ اسن 22 اكتوبر 1961 تمسشانين اشمر لعلام ندزير اتششلت تمزوت العلمة يرول غال سطيف يكرم دس ال تمنوننت ندزير.اماشي اينعر مناوت تيت سسنت اصافا نقن اوقمان سوفوس نمجاهدان دسات تحنوتس اتومرارة اماشي تلا سوفوس نالعسكر نفرنسا دخلاف نالطار.
وني دقن سمقرانان اضحان فتمورت ندزير اولدجي انشانس اغلان مان يتوغ يحرص فوعمر نتمجيدا دوعاون انتواتس كل ما اتسحقان ال تياوي يوش امقران اسقس 1992 العمرس 74 نسقسان.
