اغلان اتوسان سبكري سيغلب انلعوايد دالتقاليد ددوورار امزانان انغ المناسبات وسان نوسقس، دفر العيد ازعلوك بعد اغراس انووفريش امزانان بالخصوص تبورخساتين ادبين تشعبين ادملاقانت فمارا اورار جار سنت اقت تورارت اقارناس تشعبين غرس القواعدس .
يور انوفمبر مع الوجد نتبركوكت كيف كيف تبيند امزانان اللوزوة ادجلروان فمارا ايقت توررت ايتبهى، انفذو اناف امزانان اترارن اقت توررت تضضت اقارناس تكلا اتوسخدام دس مناو اضغاغن دبزانان اتورار جار سن سقت الكيفية ايتبهى .
اما تبورخساتين غرسنت دخ مناو ادوورار انتورارت انحلا تجمي انغ الحارة اماس نوغرم مع مناو ادوورار اضضنين توسدجان اماس لعراس جار بورخس الان دقت المناسبة نالفرح دوفورهت.
امار انوتشور نالعرس اتفغ اقت ترباعت انبورخس تنض اغولاد ادزاقان الالا اولالا ادزاقان سسماون نتواشولت انوسلي دتسلت باش مدان ادسنان انسابات دالعرس الان يدجور اغرم .
اماروا مع اتاف نالتكنولوجيا غال تمدورت انمدان يجو يغلب انلعوايد ادمضانت ادقضعنت مع ادبابس بالخصوص امزانان اتان قاع لعوايدو الهان اسقضع نمارنسان دسات تلفزيون دالانترنت.
ادسرمغ سدباب نغربازان دتدشلوين باش ادعاودن ادران لعوايدو سوسلمدنسنت اردند التراث الان لاش المثالس انشان وضضن.
