هدعدا ذي اللومث نمسلم ذي ذي العالم كامل المولد ننبي الشريف محمد صلى الله عليه وسلم، وفلجال نوساي اقعز غنجزايرين بذونت العايلاث انلوراس أمقران يخس ذي باثنت أنيغ ذي أذخنشلة وأم البواقي ام الولاياث نالدزاير كامل اتوجاذنت إلعيذ نالمولد النبي ماني إنتحتفال إيس ذباثنت سموقي انلباس نتغاوسوين أقيمنت لعوايل انلوراس أمقران اتحافظنت فلاس عبر التاريخ ونتاث العاداث ذالتقاليد.
اوثنانغ الحاجة فطيمة بلي نتاث ثتحبا أتق ذالعذ نالمولد انبي أشخشوخ ستالقديت نالمال، وأثقارانغ نهنين زيك نفقن يعني اتمعوانن لباس نوماثن ذي إعشيرن واذسغن أوفريك وأسغرسن وأثبظان قدقد، أبتون اتوجاذن إلعيذ نالمولد النبوي الشريف زيك سسمانت أمين وايظ اتافنت الفرصة بشام أذسداهرن إدريثن أنسن أنيغ اذروحن أذخطبن المهيم اغلان نالعيذ لازم اتاس ثغاوس نالفرح، والدريث أقنهنين أساغن الالعاب ذالمفرقعاث بشام أذزهان بصح االوالدين أنسن ديما أقرناسن اتترارم سالعقل بشام أثدورام حتى حد.
العوايل أقلا غرسنت لعراس اتروحانت غنتسلاثين أنسنت أقلا أهنتسعدينتيدض وأسنتاوين الفال نالعيذ، وبغير أذثعشانت العوايل انلوراس اذسرقنت الشموع أقلا سغنهنتيد وأهنتشعل واهنتدجن وأقارن الشمعة أقلا هاتخس ذاللولى بابنس هذيمث زيك واذنتا ذالأول ذي العايلت ذين.
ويتعوذان الحاج احمد يقرانغ نهنين زيك اتحتفالن سالعيذ سقراءة القرأن وأذمجمالن ذالجامع اغلا أنلأمام وأهنسقرا قلي ذ التاريخ نالرسول الكريم، وألانت نالعويل أيط اتحبانت أذزومن أغلى نالمولد خاطر الحسناث اتعرامنت لباس، المهيم أثغاوسا يحلان ذالمولد النبوي المسلمين كامل أتفاقن بلي يلا أرقاز إخيريث ربي سبحانو بشام أهنسرق سالكفر ذالجهل.
وحتى الانت لعوايل تافنت ذيس الفرصة بشام اذزمنت اساي خاطر هذثقربنت ايس غنربي سبحانو.
