بذونت لعوايل أنلوراس أمقران توجاذنت إلعيذ أمقران غرسنت الزمان سيرتو اسغاي نخفاون واوجذ نتدار بشام اذستقبل الضياف انس وورعان لباس نالعاداث ذالتقاليد أقلا تحفاضن فلاسنت سي زيك زيك سيرتو اصدق فزوالين وأسرف سي أكسوم نالعيذ إلهل ذالفاميلت ثمقران أمن اقنا الرسول صلى الله عليه وسلم ذي السيرث انس.
وقبل مهذتوغرس ايخف نالعيذ يتموقاس ذي كل ثدار أنلوراس قلي نالحني وتتوتشناس امان بشام أذسوم مليح بغير اذيروا ومن بعد تصوارن الدريث امزيانن ايذس وترارن قبل مهذبذون اسغرسن أغلا مهذسمان أوال نربي واذنيني الدعاء نتغراسنت ومن بعد اذبذون أثسلخن مليح ولخذمتاي ثتموشا أققلا يسن اسلاخ بشام اذتفياش ثغراست واحافظ فصفاوث نالعيذ اذتمسيخش.
ومن بعد ثتموكسد الكبدة اقلا ثع وثتوقلا إلماليث نتداه ويا أقلا حضرن اغراس ناخف نالعيذ ومن بعد ثتاسد لخذمت نالخلاث أقلا بتوت اتصفانت مليح لمزامز نالعيذ ومن بعد يتوحراق اخف انس وتوشواط ولان زيط اتقنت اس امزوار طبخنت بصح لعوايل انلوراس غرسنت اميرا كم ولانت طبخت أغلا نالعيذ خاطر اس امزواروحد لا يتتيث ويتق التخمة.
وبغير اتنس الاضحية وأذعدا فلا ساس بتونت لعوايل اتبينت خاطر الشياي ذي السيرث انلجدود لازم اتنس ثغراست ومن بعد اتتوابي واتتوبضا فتلاثة نالجهاث قلي يتوصراف الهل ذالفاميلت ذالكادو نالفرحة نالعيذ وقلي يتموتشا اقزوالين اقلا اذغريسنش انيغ الجوامع ونهنين فرقت فيا اقلا حواجن وسيرثاي اوصا فلاس النبي الكريم محمد صلى الله عليه وسلم.
