تدشلا نوعاون ندباب نالعاهات ادوسين تم نالتوزوز اغرم نتغردايت توليد سومعاون ندباب نالخير مع اقت الهبة سالسفارة نالماركان انجمان باش ادسلين اقن اوغرباز ايزعلك دس قاع التاولات نوستقبل ننلمادان ندباب
نالعاهات باش ادعزمان لمدان اقت الحرفة اموني سوجبى نمناو اسلمدان الان بدان ادسان.
انلان دوحدي المركز دين استاف نقت الفكرة تجددت اهيل انغ البرنامج انوعزام دين اسلماد نوربي نتغات مع انكال نالعلف اتخصان لمعاش نتغات اماس نقن الحوش ايزعلك دقن الكوري دس مناوت نتغاتين انوغلان.
الفكرة نوستف نوسلماد نبورخس انكال نالعلف دالتقنيات نورب نتغات توسد سوفوس انبازين الحاج عمر اقن اوكراز الان انده احرش نورب نتغات دوحافظ فالصيل نتمقاطيط يعني اتغات انوغلان.
انلمادان انملاقة ادسان المركز يعجبتان الحال يغلب سالحرفة الان غرس اقن امال انلمادان دفر اعزام ادفغان ادرزمان اقت المزرعة نورب نتغات مع انكال نالغلة دالعلف نتغات الان غرس اقن امال ايزعم تم انوغلان.
انكال نالعلف انالفصفصت داشرنبة الان دقت الغلة تجددت تكبورت اغلان اترني اغي ايتغات تود تضفوين توحديين فلحساب انبازين الحاج عمر.
اماشي اناف المركز دخ مناوت تبورخساتين اولماد نمناوت الحرفات نوفوس الان يجبى غفست مناوت تسلمادين باش تنن مي اقدانت اعزام ادفغنت سقت الصنعة.
قاع انلمادن ادفغان سالمركز نجمان ادفان اماننسان اماس نالمجتمع اولتوحوسين اماننسان وحدنسان انغ غرسنت اقت العاهة .
