لعوايل انلوراس امقران تسلافند اسوردان بشام اذفوكن اماننسن ذي ثوليث انلقراي ذالعيذ امقرانبذونت لعوايل أنلوراس توجاذنت العيذ امقاران اقلا يوقرد واذسقيمش كثر نسمانتين والعيذ نسقاس يوسد ايذ نتوليث انلقراي نقداشن ماني اعرمنت المصاريف لباس فلعوايل سيرتو ايا اقلا غرسن كثر نسن نقداشن ذي ثداه .
الشياي يدجا لباس انلعوايل رقلنت غنرطال نصوردان بشام اذقوانت اذسوقيرنت الأمور انسنت خاطر الحال يغلاي لباس ، وثغاوس اقلا ثحلا ذاقسقساي نتاث اخوافن نالعيذ اوطيند السومنت انس وبذون اساغن سي لسواق اقلا تيلين ذي الولايث ماني اقنا المدير انلفلاحث بلي قين 61 نالسوق اقلا تأطريهن وثقا 75 نرقاز سي اقطبيبن ابيطرين اقلا هذخذمن اس نالعيذ وزلقن فتيدار ذالبطوراث وحتى قبل العيذ ذي لسواق تراقبن اخفاون نالعيذ وتقلن مليح ذي الصحث انس بشام بغير اهنسغن المواطنين اهنتتاغ حتى تغاوس سي لمراض.
ثغاوس ثيشت ثاني نتاث الإجراءاث نالوزارث انلفلاحث نتاث ماني اثقا برنامج يحلا ماني اتسوطو لبري نخفاون بشام اذقوان يوذان كامل اذسغن ماني اثقا الحد اسمسرا ذالمهربين نالمال نالجزاير فالحدود وبالتالي اقيمن اخفاون نالشياه ذالخرفان ذالماعز عرمن واذكفون اجزايرين كامل وسسومث ثحلا مليح.
المواطنين ذي باثنت الان يا اقلا والفن اساغن اخفاون نالعيذ ذي الدواوور واذتروحانش طول غنلسواق سيرتو ايا اقلا غرسن الفاميلت ورعان اتعاشن ذي الدواوور وتربان المال.
بصح ثغاوس اقلا ورعان ثقيم ذي الولاياث انلوراس نتاث الإصرار انسن بشام اذحافظن فالسيرث نالنبي محمد صلى الله عليه وسلم وساغن لعيوذ احلان وتصداقن اسيسن و سرفن سيس الفاميلت تمعياذن جرثسن.
باتنة: لموشي حمزة((
