يستعدا يور ن رمطان ذي لوراس امقران، وإشاوين تقن ذي السحور الماكلت ثزيت لباس وتاقذيمت مليح ذي العاداث ذالتقاليد نالسكان، إسمنس المسفوف سالزبيب، الماكلتاي أقلا توجذنتاس الخلاث ذي لوراس قبل رمضان سفثال نبربوش أزداذ خاطر نتا اقحلان إلمسفوف خاطر إزد وإخف فالمعدة ذي رمضان.
المسفوف انلوراس امقران يحلا لباس وكل يشت أثيتش لازم أذقيم ذي البال أنس وأذيخس أثعاوذ خاطر ذيس البنث تامقرانت ويتموقا غير إوقعزن،وثقارنغ الحاجة فتيحة فموقي نالمسفوف لازم ادناوي أبربوش ذأزداث ام لعباذ هذيتشن واذتوافور مليح خطرتين انيغ 3 بعد هتشمخذ سومان ذالزيث واسترنيذ قلي نالملح ومنبعد اتسرستيد ذي السحن ذامقران وأسترنيذ قلي نالدهان واتخلظظ مليح مليح وأسترنيذ السكر وأتخلظظ ومن بعد استقرذ الزبيب بغير أتسفيذ ليح وأقلي ناللوز ذالجوز اتزينث.
ولازم المسفوف أذتواتش سوغي أنيغ سالبن ويط تحبان أثتش أميين، وبشام اذيلي الذوق انس يحلا مليح لازم اذموق ذي السحن نزيك بشام ادياس ام ملمسفوف انزيك.
وثقارنغ الحاجة فتيحة بلي الميادة نالسحور نلوراس لازم اذيلي ذيس المسفوف خاطر نتا أقلا بتون فلاس تسحارن، والمسفوف إقميرا غرس أمكان ذي لوراس وحتى الجيل اجديث يتحباث واذتقواش اسبعذ، خاطر الجيل نميرا يتحبا غير لوماكل اقخف وزربنت، بصح المسفوف ورعان غرس القيمت.
