اغلان يلا دس اقن النظام نوعزام نالقران لاش المثالس انشان وضضن ادزير انغ ازغار. مدان انوغلان اتشرند سبكري سوعزام نالقران اتناف دكل انشان اش امار دقاع المناسبات اناف القران اولخطي ستمدورتنسان تتشرند اسس ططسان اسس.
امزان سا غا ادتشر غال الدنت اشرى امزوار دين اتاف اغرباز انغ المدرسة نات اغرسان اوحفاظ نمناوت السور نالقران قبل ما ادياتف اعزام نالرسمي. دفر ما اديوض ادحفظ ازجان نالقران ادرجل ادياتف المحضرة اوعمر المجالس نالقران ادوحضار الحلقات انوعزام دوسعزم. بعد مناو اسقسان ادياتف ديرو امبعد دمصوردو اوعمر نالمجالس نالقران تمجيدا دالمناسبات.
القران اتناف اتواعزام دكل انشان اتناف الاعراس بدان اسس ختمان اسس اتناف اتوعزام ايجروان اتقم مناو وسان اتوعزام ضدجيض بعد تنيضاس اتناف اتوعزام تمجديوين بالخصوص يور نوزومي اولتبدي القران تمجيدا ال اضن العيد ابزان اماشي اتوعزام جار تزيلا.
اماشي اتوعزام الطول نوسقس اش الجمعة قضعان غال اقت سلمقابر اموني سوحضار ننلمادن امزانن ارجلان ادحضرن الحلقة عزمان دقت االمناسبة ياش امزانان ادرنين احفاظ نالقران مع اشجع انحد وضضن باش ادرجل اديلي اقضع اتعمر اموشان دالمجالس نالقران.
اسوي نمزوار دين اسولغ نوعزام نالقران امدان مع اقمي نووال نرب اتوذكار ضدجيض ادقس دكل انشان امبصح يلا وس افهام اشات دالنظام دون ادجين امزوار بلا ما ادقدم الحل انغ البديل انشان نالسيرات اتحافظنت فالدين باش اولقضع اماشي يقضع مناو اموشان اضضنين.
