لقصر نتفلالت يوسد فديس نوغرم نات ازجن اتوبنى ابدى نالتسعينات دس اجار نالف نتدار اتوبنى سقن الهندسة اتجرو جارالبنيان ادلفصالت انبكري دالتاولات نماروا مع اسيتف انومان دترستي دالغاز.
انلان دوحدي اغرم دين اقول ندباب نوغرم الان فتبجننساس نوح احمد الان افكر دتجموين دموشان نوفورهت دموشان نورب نالهوش اسوس دين اسطار نالنعمة اتقمان اغرم اتقضع ادلمعاش غال الهوش اف ما اتوضابع الزوبية اماشي يلا الحال اموشان اضضنين .
اموشان نوفورهت دنشان دخ امزانان ادبورخس باش ادفورهتن رارن دسات الوالدننسان اماس نقت البيئة تونظف.
القصر الان بارن دس اموسناون ددباب نالعمران دمقرانان نالدولة انضان غال اوغرم انوسلواي عبد العزيز بوتفليقة دالسفير نالماركان اكبور ابارن دسات البنيان دالطريقة نوسجوري نتمدورت نمدان .
لقصر يسعى تفرت تمزورت نتمورا تعربين الادارة نالبيئة اماشي ايسعى الميدالية نقن سزعلاك نمرشدان نتمورا نفريقا يسعى سنت تتشال المدالية نالفن نالعمران دزير.
ادموان نوغرم اسرسان اقن النظام ادجورن دس مدان انوسدج اش اسبي اقن وجرو الحملة نوصافا دوززدق نغولاد مع انكال نتداقين تعنى بالخصوص امزانان باش ادتشران اتحافطان فالبيئة.
الحملة اسوس دين احسس نبورخس سمزي احافظ فنظافة دوحافظ فوغرمنسان باش ادقم دم دونظيف دقن المثال نغرمان ندزير.
