تدشلا فوس دوفوس تفغد غال تمدورت دفر ادتواغيت اضران اغلان مان اتسدج اقن وهيل ايزعم يعنى احافظ فالبيئة مع اززدق نالحالة اغولاد بالخصوص مع الكثرة نوستهلك انمدان التاولات نالبلاستيك الان دالخطر فتمدورت انمدان.
تدشلايو سومعاون انقاع نمدان اسرسان قاع تزكروين تشكارين تزعلاك اوجرو انلقراع دالبلاستيك وحدنسان مان ادياس اقن امقواي ادشمر التاولات غال اقت الكابينة اوعاود نوستغل نالبلاستيك اشرى وضضن.
اقت المبادرة توحديت فلحساب نموسناون ددباب نالبيئة اوفين بل اموشان نوجرو نالغش امونكزان سالتاولات نالبلاستيك دبسون الان اتهددن البيئة دتمدورت انمدان بلا ما ادفقان سالخطورة نبسون.
توني دقت المبادرة توحديت اتنجم اتسخدم يغلب نمكراس اتواغان بلا اخدام ترني اجم نالاقتصاد نمناوت الكابنيات مع ارني نالفائدة الاقتصاد انوغلان.
بكري التوغنت الزوبيات دالغش اغولاد دالويدان اماروا مدان ارنين مع ورني نالاستهلاك مدان اتوغان بكري قران لحساب سوضبع نقاع اندوسين الواد مان تمطوت توغ اتفرد تدارت انغ الحوش اتفرز كل بيلا اشرى وحدس اغسان وحدنسان ادقضعان دالعلف ايتغات اجدي ادتوفسى اجدال ادقم غير اشرى يخفف غال الواد.
اماروا يغلب انمدان اغلان اتشتكان سالزوبيات ادونشار نالغش دكل بيلا انشان مع القلت نونجم ندباب اتصافان اغولاد اشمر كل بيلا اشرى الحال يقوى غفسانامار انغ الوقت نالوجد انقاع التاولات سمقوايان دخدمان اولجي انبكري.
