أذقيمش إرمطان العظيم لباس انوسان وادعدا ماني إبدونت لحراير أنلوراس امقران اتوجاذنت مليح أقيوراي أقلا غرس امكان يقعمر ويعز لباس ذأقلاون نجزايرن كامل، ولازم بغير ادعدا اذياف ازاثس إجزايرين اترجان ذيس سالشوق ذامقران، خاطر أمين إغنتقار خالتي نعيمة يوراي ذيس كل الخير أقلا يسروساثيد ربي سبحانو إيذ نالبراكث أقلا نتدجا أسعقب انس يسهل حتى ذي الظروف أقلا اوعرنت أم السخانت ذي الصيف.
ثقارانغ الحاجة نعيمة أقلا ثوالف ثتوجاذ ارمطان العظيم سيور قبل ماني اتراقنت الخلاث انزيك اقلا الانت اتيلينت ذي الدوارو انلوراس امقران ام إشمول، نقاوس، تاكسلانت، أريس، تكوت، القصبات سسيرن انلوماعن إقحلان أقلا توافرن غير إلمناسباث يحلان أم لوفال أذلعيوذ انيغ أذرمضان، واذرقنت غنخامن تصفانهنت مليح مليح، وتوجاذنت إثاسيلت مات هذقنت ذيس يخس سي لحرور انيغ سإزلفن(الفريك)، أقلا تكسنتيد سي ثارعقيث ومجرنتيد واثحرقنت مليح ومن بعد أثسفانت واثسغارنت واثهرسنت ذي ثاسيرث (المطحنة) أقلا ثتواخذم ساقسقريو، وغرس البنة تامقرانت وليش ذي الوقثاي أقلا إويا كلشي يتوخذام سلماشن ثقار خالتي الزهرة أقلا انلاقانت ثساغ قلي نلحرور ارمضان ذي باثنت.
وثغاوس ثيشت فتلنت الخلاث انزيك لباس نبربوش بشام بغير ادعدا رمضان اذافنت الخير زاثسنت وذكالنت كل كاس سهقينتيد ثيربا ذي إسيارن وفتلنت، خاطر رمضان أنزيك يلا يتوسعقاب سشوربة انلفريك انيغ سبربوش برك وليش طول لبلا أقلا الان اميرا.
وغير سديرقا لفرجدار ولانت تفرنت قلي نتغاوسوين امطماطم اتيشرث بصح زيك الانت سغراينت الطماطم ورحانت ثيشرث ايذ نالدونت وخدمنت ايس لقوالب نالصابون وتفرنت ذقمكان يسمك وبغير ادخلذ رمضان جبذنتيد قيتش قيتش امين احواجنت ونصبنت ايس.
وزيك زيك الان لحرورثاي اتوزون ذو اقفراقب سمانت اتداه سيرتو الكسبر ومن بعد اتكسنتيد وتصفانت مليح مليح وساغنتيد لحرور اققيمن سي لمدينت، رمضان انزيك يحلا ويعز لباس خااكر ثلا ذيس البراكث تامقرانت خاطر كلشي يلا يتوزا ذي ثمورث طبيعي وثلا النث والخير ولهنا وصح ورعان الشياي يلا مدام ربي سبحان نتا يا بعد ذالخير بصح لباس انلعوايد ذالتقاليد روحن ايذ نيوذان انزيك.
