اغلان يلا دس يغلب نسماون نتسادنان تمقرانين سبكري ادجنتد اسمنسنت امزروي ندزير اعزام دوسلمد دمناو احرشان اضضنين دامار نتقراولة.انوش غير مناو اسماون اتنبدى سالدولة نالرستميين.
امار نالدولة نالرستميين توغنت تدرنت دس مناوت تنعزامين انواتماس نالشيخ افلح دالشيخ عمروس ايرارنت اقن الدور ايزعلك اواعظ دونشار نالمذهب جار تعشرين ادمدان اتوغن تدرن عمرن ادسان دقد الدولة نالرستميين.
ماما بنت سليمان باباز سوغرم نتغردايت دقت ستسادنان تنعزمين توغ تجبى فالهيئة نتمسردين اسقس 1905.
عائشة بنت عمر بن سليمان دقت ستورعين نغزر نوغلان اتلولد اغرم نات امليشت اسقس 1227 هجري بابس اتوغ
اتمترى يوش امقران باس اسرزق اقت تبورخست اتسلي الدين اجانا توني تبدى اعزامس اغربازن نوغرم نات امليشت سوفوس نمناوت تنعزامين تمقرانين اتوغنت اسجورنت لمور نتماطات سوفوس نتمسردين.
مريم بن عبد العزيز دقت ستسادنان تمحراس نوغلان اتسبل امانس يد يغلب نتماطات دزير اوعاون نترنايت نوحرر ندزير سوفس نالاستعمار. ستمطات تضضنتين دخ اناف باسة عائشة بنت اسماعيل.بافضل فاطمة الزهراء.بافضل شريفة بنت محمد. بن عبد الله مامة بنت علي.
الكثرة نتسادمان تمقارنين اغلان عمري ميتولينت بوهراوة اولتعزيمت اقت الجامعة انغ خولطتنت حد وضضن توغانت اطفنت اوبريد نيوش امقران دون ادجين امزوار نوغلان .
