كل مهدعدا أسميط ذي لوراس امقران، رقلنت لعوايل سيرتو لخلاث انزيك اقلا تحفاظنت فلعوايد ذالتقاليد نشاوين غنلوماكل اقلا توتشنت إلجسم نالغنسان الطاقث امالعيش سقديد، أشخشوخن انيغ توضفيست، اقلا اتقنت لعوايل انلوراس ذي باثنت، خنشلة، أم البواقي، بشام أذسقوانت فلاس ذي الوقث نتعشويث ام القاطو نيمرا.
ثنانغ الحاجة حدة أقلا ثتيلي ذي ثازوث بلي نهنتين زيك بغير أذيلي أسميط يقوى مليح ولمطر ثتشاث امساناي ، أتقنت إدريث انسنت بغير اذسخف غنتغاوس ثزيت إيغريفين، واهنتتشن امين احمانت سالدهان اتامنت، وتموقانت امين إغنتقار أسوارن واتخلط ذيس قلي انوامان اتخميرث وايذط اتقن ذيس حتى ثملالين، و اغلى ما هتخلط مليح مليح ستغنجايث، اتدج اترس قلي، اومبعد أتسرس زنق العافيث أنيغ زنق طابونة فو فان سبيسيال، وأترفذ سغنجا قلي س أركثياي وأستلف ففان، ومبعد اذيرق أمغروم يطشور ذالنقاط يتشباه ذي الرغيف، ومبعد أستوجذ ثقيارث انوخام الدهان واتخلظ ذيس قلي انتامنت واتسرس أسحن واذبذون اذنقعن ذيس لعباذ أقلا أذتشن ولباس انلعوايل اتقنت إلمعشاث خاطر ثسقناع وأيط اتقن فتعشويث أتقواي إيس.
لماكلتاي ثتموقا امين إغنتا لحاجة حدة غير إلعزيز انيغ انجيو بشام أستين العايلت أقلا يوسد غرس بلي نتشنين نفرح إسك مليح، وشياي يلا سيزيك ذي التاريخ أنلوراس أقلا يتواعرف سالجود ذالكرم ويتحبا انجيون.وثنا الحاجة حدة إلجرنال نالشعب بلي نهنتين إميرا تزيارت لباس فتهيوين نميرا بشام أذثعلمت قلي سلمكالاي خاطر نهنين أقلا حكانت فالتاريخ انلرواس ولازم فلاسنت أثثعلمنت بشام نهنتين أثسعلمن إلجيال إدقورن.
