لعوايل تمعاوننت ذي ثغراست والدريث ارقين اتيرارن أزهان سي العيذ
أسعقبن، سكان انلوراس العيذ أمقران سالخير أذلهنان ماني إغرسن إقخفاون نالعيذ امسيرث نالبي محمد عليه الصلاة والسلام وأنان الأئمة انباثنت ذي صلاة العيذ بلي العيذاي امقران يوسد ماني إقنا ربي سبحان إنابي أنس براهيم أذيغرس إمميس وماني إثهنا بلي يومن إيس إخلفاس الشي ذين سفريك ذمقران سلقرون يحلى لباسن وأغلى نتزاليت ماني إقغرس لمام بذو المواطنين غرسن نهنين، ويا أقلا اتلين ذي الباطيماث أسرقند إيخفاون أنسن أغنعطيلين وامعاونن ذيس ، والشياي يدجا لباس نالمحبث ذأقلاون، و بذونت الخلاث حرقنت بوزلوف، وسراذنت لمزامز، وأقيمنت العرضاض نالعيذ علقنت، بغير أسناط الجمعة ماني إتوابظانت، وبذونت لعوايل سرفنت السبوب جاراثسنت وأتراقن تزورن لهل انس ولفامين ولعوايل لباس روحنت غتمقبروين أتزورن الموتى أنسنت ماني إنوفا ثمقبروين أنباثنت كامل اتشورنت سلعايل أقلا روحنت أتفقاذنت إمعزاز أنسنت اقلا اموثن.
وثغاوس ثحلا لباس ذي العيذ أمقران ذي باثنت نتاث لباس أنلعوايل ورعان اتحافظنت فالتقاليد انلجدود انغن ماني نوفا الحن ذإقفاسن نالدريث ، و الزياراث أذحبيسنت طول.
ويوسد العيذ ذالجو يسمطقلي ذأقاس امزوار بصح الشياي أذمنيعش الدريث بشام أذرقن اذرارن واذزهان سالعيذ، ماني إسغين ثنفايخين ورفذن الألعاب اتيرارن.
وعلى العموم العيذ أمقران ذي باثنت يعقب سالخير اذلهنا ماني إقين لابوليس لبرنامج يحلا بشام أذقاوانت لعوايل اذزرونت لهل أنسنت وأذسرقنت الدريث أنست أذرارن خاطر أتافن غير الفرصة ياي بشام أذعبر فالفرحة انسن.
